Artista yu di tera Isabel Bérénos ta konektá di no bo ku su lombrishi i universo pa krea un enfoké artístiko impreshonante
Artista yu di tera Isabel Bérénos ta konektá di no bo ku su lombrishi i universo pa krea un enfoké artístiko impreshonante
Willemstad, 20 yüni 2019.
Awe nochi bou di ouspisio di Museo di Kòrsou e artista yu di tera Isabel Bérénos a habri su eksposishon FREEDOM & DiCIPLINE” den presensia di un públiko bastante grandi i den nan hopi di su Famia ku ahinda e tin di kaba di konsé.
Ela splika ku despues di un bida strak tantu komo modelo i i bailarin, tabata tempu pa e reinventá su mes i huntu ku universo i ser supremo definí su berdadero “ami” através di su arte di pintura.
Isabel tabata mas madurá a bin ripará e dedeo kresiente di inverti mas den su kreatividat I bai mas profundo ku su arte I desaroyá su estilo di arte mas aleu.
Esaki el a hasi dor di konektá su eksperensha den Arte Praktikante ku su pregunta nan tokente e nifikashon di e bida aki i nos spiritualidat komo hende.
El a bin kai den un eksiminashon personal kaminda el a kuminsá eksperimentá ku otro forma nan di Arte manera tatuahe i pintura.
Transformashon den diferente forma i sistema semper a fasiná i inspirá Isabel. Aktualmente e tin un estilo ku ta úniko i ku den kual e ta I por rekonosé su mes aden i ku ta representativo di su estilo Nobo di ekspresá su mes artístikamente
E liña nan ku Isabel a siña i a investigá durante su estudio di Dansa i Ballet, e aplauso di un públiko grandi a traha lugá awor pa mas trankilidat, libertat , kietut, isolashon ekpresá riba e kanvas.
Despues di un bida den showbusiness i un suidat grandi, e asina yamá. Bida Rápido/“Fast Life”, Isabel ta muda bèk pa su Isla natal Kòrsou i ta buska ku un kambio di bida Nobo e ikietut i naturalesa pa traha riba su Arte Kontemporaneo.
Isabel su obra nan ta abstrakto i primordialmente Acryl riba Kanvas. Tambe e ta eksponé pintura nan den pretu ku blanku.
Isabel Bérénos a nase na Kòrsou i ta berdadero meskla Krioyo, Chinés i Europeo. Na edat basta yòn Isabel a muda bai biba hulanda ku su mama kaminda el a studia dansa (Ballet) na ‘The Insititute for Performing Arts’ na Amsterdam.
El a kompletá su estudio den e Arte di Balèt pero djis despues a bin deskubrií tambe su pashon pa Arte i Pintura. Isabel a rafiná su talentonan dor di studia na diferente akademia di Teater, Arte i Dansa na Hulanda i Alemania.
El a perfekshona su teknika di pintura na Sorbonne, Paris kaminda el a kompleta dos semester I tambe na UdK, Universiteit de Kuenste, na Berlin kaminda ela kompleta dos semester tambe.
Despues di kompleta dos Bachelor komo Artista praktikante i Dosente praktikante den e praktika di Arte, Isabel a biaha ront mundu durante di dies ana trahando komo artista den Teater, Dansa i Mode Shows.
E reportahe fotográfiko ku nos a hasi ayera ta Papia pa su mes i nos ta invitá abo lesadó pa bishitá e eksposishon aki ma Museo di Kòrsou di djamars pa djabièrnèdi 8.30 pa 16.30 i djasabra di 10 or di Mainta opa 4 or di atardi.
Entrada museo 8,74 pa adulto i 5 florin pa mucha di edat di 5 pa 12 aña mientras 65+ ta paga solanenbte 6,50 ku presentashon di nan ID.
Dor di paga entrada e bishitante ta sostené Museo di Korsou pa asina por sigi organisá mas Ekshibishon I aktividat nan interesante i variá i tambe Museo di Kòrsou por sigi sostené artista nan nobo riba merkado di Arte inkluso artistanan establesé kaba riba diferente forma. Konsiderá e entrada ku tin di paga ora bishita Museo di Kòrsou komo un donashon i aporte na nos Arte i Kultura.
