Direktiva ABVO Bonaire a tene un dia di estudio pa su miembronan di direktiva sekshon Boneiru.

Sindikato ABVO

Djasabra dia 16 di ougùstùs direktiva ABVO Bonaire a tene un dia di estudio pa su miembronan di direktiva sekshon Boneiru. Fasilitadó di e dia di estudio tabata kro. Roland (Nacho) Ignacio. E siguiente temanan a keda trata durante e dia di estudio.
1. Struktura i konstelashon di direktiva
2. Ròl i kompetensia direktivanan
3. Konstelashon direktiva
4. Atministrashon operashonal
5. Finansa i presupuesto
E dia tabata un éksito rotundo kaminda a deliberá riba strategia i palabrashonnan importante i práktiko pa funshonamentu di nos direktiva na Boneiru.
Kro. Tafila Janga ta ekstendé un danki kaluroso na kro. Nacho pa su gran aporte na e dia di estudio.
Na final di e dia kro Tafila, na nòmber di direktiva, a gradisí i regalá kro. Nacho un regalito speshal, komo muestra di apresio pa e rekonosementu ku e Hèlmu di Lucha Felix Chacutu.
Direktiva di Boneiru ta sumamente agradesido na kro. Nacho pa su disponibilidat i asistensia na ABVO Bonaire.