NOS SELEKSHON NASHONAL FEMENINO SENIOR SU KONTRINKANTENAN PA E PARTIDOANAN DI KUALIFIKASHON PA MUNDIAL FEMENINO DI FIFA TA KONOSÍ!
NOS SELEKSHON NASHONAL FEMENINO SENIOR SU KONTRINKANTENAN
PA E PARTIDOANAN DI KUALIFIKASHON PA MUNDIAL FEMENINO
DI FIFA TA KONOSÍ!
Dia 20 di ougùstùs último, e sorteo pa e próksimo kompromisonan di nos selekshon nashonal femenino senior, a tuma lugá na Miami.
Un total di 29 pais a keda repartí den 5 grupo di 5 pais i un grupo di 4 pais. Nos selekshon ta forma parti di grupo E; huntu ku Panama, Cuba, St. Kitts & Nevis i Aruba. E kontrinkantenan di nos selekshon nashonal femenino pa e partidonan di kualifikashon pa Mundial di FIFA, a bira konosí.
Nos promé partido lo tuma lugá den luna di novèmber 2025 durante e ‘FIFA Window’ miéntras nos próksimo partidonan lo ta den febrüari i aprel 2026. Nos lo hunga dos partido na kas i dos partido afó. E ekipo ku terminá komo number 1 di grupo lo pasa pa e fase final, ku ta planiá pa tuma lugá na novèmber 2026. E fase final lo konta ku 8 ekipo, inkluso Merka i Canada ku ya a kualifiká pa e buèlta aki.
E partidonan aki lo ta di sumo importansia mirando ku e ganadó lo pasa outomatikamente pa e Mundial Femenino di FIFA ku lo tuma lugá na 2027 na Brazil i tambe na e Olimpiada di Los Angeles 2028.
Pronto e preparashonnan ta kuminsá pa nos selekshon nashonal femenino senior ku tambe tin kompromisonan importante na kaminda.
Nos lo kompartí e kalendario i sobrá detayenan di nos weganan ora Concacaf anunsiá esaki.
Keda pendiente pa mas informashon…
25 ougùstùs 2025
