NOS SELEKSHON LO ENFRENTÁ HONDURAS MAŇAN, 21 DI YÜNI, DURANTE NOS SEGUNDO PARTIDO DI GOLD CUP 2019!
NOS SELEKSHON LO ENFRENTÁ HONDURAS MAŇAN, 21 DI YÜNI, DURANTE NOS SEGUNDO PARTIDO DI GOLD CUP 2019!
Despues di nos promé partido di Gold Cup aya na Jamaica, nos selekshon a biaha pa Houston, Texas pa enfrentá Honduras durante nos segundo enkuentro di Gold Cup 2019. Na nan yegada, nos selekshon a kontinuá ku e seshonnan di traning i traha riba e puntonan menos fuerte pa mañan anochi nos duna un bon bataya kontra Honduras i asina bai ku e viktoria. Despues ku e 2 partidonan aki ta tras di lomba, nos selekshon lo bai Los Angeles kaminda nos lo enfrentá Jamaica durante nos terser i último partido di e promé buèlta di Gold Cup 2019!
Resultado di nos promé wega:
| Fecha | Resultado | Tim A | Tim B | Stadion |
| 17 yüni 19 | 0-1 | Kòrsou | El Salvador | Independence Park
Kingston (Jamaica) |
Skema di nos próksimo weganan:
| Fecha | Orario | Tim A | Tim B | Stadion |
| 21 yüni 19 | 9:30 PM | Honduras | Kòrsou | BBVA Compass Stadium
Houston (Merka) |
| 25 yüni 19 | 8:00 PM | Jamaica | Kòrsou | Bank Of California Stadium
Los Angeles (Merka) |
Despues di e 3 partidonan aki nos lo sa si nos a klasifiká pa e segundo buèlta di Gold Cup 2019.
E kolekshon nobo di suèter di nos selekshon, ku ta Nike original, a yega FFK!
Aparte di e suèternan nos a risibí ‘jacket’ i karson di ‘traingspak’ tantu pa mucha komo pa adulto na diferente ‘size’ i koló.
E preisnan di nos kolekshon nobo di merkansia di nos selekshon nashonal ta lo siguiente;
- Jacket adulto (neon hel) fl.150,-
- Jacket mucha (neon hel) fl. 125,-
- Suèter adulto (neon hel òf blou) fl. 100,-
- Suèter mucha (neon hel òf blou) fl. 85,-
- Karson di ‘trainingspak’ adulto (blou skur) fl.85,-
- Karson di ‘trainingspak’ mucha (blou skur) fl.75,-
- Shal di nos selekshon fl. 25,-
E ‘size’ nan di mucha ta kore di XS te L miéntras di adulto ta kuminsá na S i ta yega te XXL.
Tur esaki optenibel na FFK bou di ora di ofisina.
Nos selekshon ta sigui konta ku e apoyo i sosten di hinter pueblo di Kòrsou komo e di 12 hungadó pa nos segundo partido di Gold Cup 2019!
