NOS SELEKSHON NASHONAL TA RUMBO PA THAILAND PA PARTISIPÁ NA KING’S CUP 2019!  E 23 HUNGADÓNAN TA KONOSÍ!

NOS SELEKSHON NASHONAL TA RUMBO PA THAILAND PA PARTISIPÁ NA KING’S CUP 2019!  E 23 HUNGADÓNAN TA KONOSÍ!

 

 

Preparashonnan ta kontinuá pa loke ta trata e kompromisonan importante ku nos selekshon nashonal tin na kaminda!

Manera ya nos a informá, komo preparashon pa Gold Cup 2019 nos selekshon nashonal lo biaha dia 29 di mei próksimo pa Thailand pa partisipá na e King’s Cup 2019 i ta regresá dia 10 di yüni pa sigui ku preparashonnan pa Gold Cup 2019.

King’s Cup 2019 lo tuma lugá di 5 pa 8 di yüni 2019 den Chang Arena Stadium, Buriram, Thailand i ta konta ku partisipashon di Thailand, Vietnam, India ku Kòrsou.

 

Despues di a públika e lista di 34 hungadó ku a forma parti di e pre-selekshon, nos entrenadó Sr. Remko Bicentini huntu ku su staf a yega na e lista definitivo di e 23 hungadónan ku lo partisipá na e partidonan aki.

 

E siguiente hungadónan ta forma parti di nos selekshon ku lo mira akshon durante King’s Cup 2019;

  1. Eloy Room (PSV)
  2. Zeus de la Paz (Oldham Athletic)
  3. Shanon ‘Cheese’ Carmelia (Ijsselmeervogels)
  4. Elson ‘Sontje’ Hooi (Ado Denhaag)
  5. Leandro Bacuna (Cardiff)
  6. Michaël Maria (Charlotte Independence)
  7. Rhu-Endly ‘Cuco’ Martina (Everton)
  8. Ayrton Statie (Fc Lienden)
  9. Gevaro Nepomuceno (Oldham Athletic)
  10. Darryl Lachman (PEC Zwolle)
  11. Jarchino Antonia (Limassol)
  12. Roly Bonivacia (Sydney Wanderers)
  13. Shermaine Martina (MVV)
  14. Shermar Martina (MVV)
  15. Charlison Benschop (Fc Ingolstadt)
  16. Jimbertson Vapor (Scherpenheuvel)
  17. Jarzinho Pieter (Vesta)
  18. Gersinio Constansia (Jong Holland)
  19. Jurich Carolina (Fc Den Bosch)
  20. Gervane Kastaneer (NAC)
  21. Jafar Arias (MVV)
  22. Gino van Kessel (Roeselare)
  23. Juriën Gaari (RKC)

Skema di King’s Cup 2019:

 

  Fecha Orario Tim A Tim B Stadion
1 5 yüni 19 15:30 PM Kòrsou India Chang Arena Stadium, Buriram
2   19:45 PM Thailand Vietnam

 

Partido pa terser puesto:

 

Fecha Orario Tim A Tim B Stadion
8 yüni 19 15:30 PM Pèrdedó A Pèrdedó B Chang Arena Stadium, Buriram

 

Partido Final:

 

Fecha Orario Tim A Tim B Stadion
8 yüni 19 19:45 PM Ganadó A Ganadó B Chang Arena Stadium, Buriram

*Tene kuenta ku tur orario ariba menshoná ta di ora di Thailand

 

Despues di e torneo aki nos selekshon ta sigui ku e preparashonnan pa Gold Cup 2019 kaminda nos promé partido lo ta 17 yüni kontra El Salvador na Jamaica. 21 yüni nos lo enfrentá Honduras durante nos segundo partido di Gold Cup na Houston miéntras nos terser partido lo ta 25 yüni kontra Jamaica na Los Angeles.

Despues di e partidonan aki nos lo sa si nos a klasifiká pa e segundo buèlta di Gold Cup 2019.

 

Despues di Gold Cup 2019 nos selekshon lo tin ku partisipá na e segundo buèlta di Nations Leauge. Awe CONCACAF a revelá e skema ofisial di e partidonan ku lo tuma lugá durante kalendario di FIFA den luna di sèptèmber, òktober i novèmber di e aña aki miéntras e gran final lo ta den luna di mart 2020.

Manera ya ta konosí nos ta den Liga A, grupo D huntu ku Haiti i Costa Rica.

 

Skema segundo buèlta Nations Leugue:

 

  Fecha Orario Tim di kas Bishitante
1 7 sèptèmber 2019 18:00 PM Kòrsou Haiti
2 10 sèptèmber 2019 18:00 PM Haiti Kòrsou
3 13 òktober 2019 20:00 PM Costa Rica Kòrsou
4 14 novèmber 2019 22:00 PM Kòrsou Costa Rica

 

FFK lo hasi un petishon na CONCACAF pa ámbos partido na Kòrsou tuma lugá 8’or di anochi. Pues keda pendiente pa e posibel kambionan!

Ainda nos tin algun shal di nos selekshon na balor di fl.25,- optenibel na FFK bou di ora di ofisina. Den kuminsamentu di yüni nos ta spera e kolekshon nobo di suèter ku ‘pak’ di nos selekshon nashonal aki na Kòrsou. Aktualmente por kumpra solamente ‘online’ via di voetbalshop.nl.

 

Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó, pa sigui apoyá i sostené nan!

 

21 di mei 2019

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: