KOMUNIKADO DI KUERPO POLISIAL KORSOU TOPIKO: Kaso di tiramentu ku morto den Kaya Talco

KOMUNIKADO DI PRENSA
246/ 2019
21 yüni 2019
Kaso di tiramentu ku morto
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 21 di yüni 2019, alrededor di 22.26’or, Sentral di polis a risibí informashon ku
tabatin un kaso di tiramentu den Kaya Talco i kaminda un hòmber lo tabata seriamente heridá.
E promé unidat polisial ku a yega na e sitio, a bin topa un hòmber drumí abou ku algun
herida di bala na altura di su kara i no tabata duna señal di bida.
A pidi presensia di ambulans, pero na su yegada, e personal aki no por a hasi nada mas pa e
víktima.
Dòkter di polis ku a presentá na e sitio, a konstatá morto di e hòmber Marlison Mathias
Emilio Pieter, nase na Kòrsou dia 20 sèptèmber 1995.
Riba òrdu di fiskal di Ministerio Públiko a konfiská e kurpa sin bida pa mas investigashon.
Investigashon den e kaso aki ta kontinuá.