Pronóstiko di tempu pa Kòrsou i bisindario bálido te djaluna mainta 06:00 o.l, 24 di yüni 2019.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l, 24 di yüni 2019.
Kompilá: djadumingu 23 di yüni  2019, 05:00 o.l. (09:00 UTC)

E PREKOUSHON PA LAMAN BRUTU (KODIGO HEL) A SER DESKONTINUA.

Tempu: Por lo general parsialmente nublá i awe mainta tin un mihó posibilidat pa algu di áwaseru.

Temperatura máksimo lo alkansá 32 ºC i temperatura mínimo 27 ºC.
Solo ta sali 06:13 i ta baha 19:03 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga durante di dia, de bes en kuando basta duru te duru; forsa 6 te 7 (40 te 61 km/h, 22 te 33 nudo).

Situashon general: Durante di próksimo 24 ora humedat na nivelnan abou di atmosferá lo oumenta gradualmente. Esaki lo mehora e posibilidat pa un of mas áwaseru durante proksimo dianan. Mas aleu, e stòf di Sahara gradualmente lo bira menos.

Kondishon di laman: Por lo general mModerá ku altura di olanan entre 1.0 pa 2.0 meter (3 te 6 pia). E “Kódigo HEL” pa laman brutu a ser deskontinua, laman a relaha notablemente.

Sistemanan signifikante di wer tropikal: Ningun.

Fenómeno spesial: Ningun.

Pèrspèktiva te djamars mainta: Parsialmente nublá ku chèns pa un of mas áwaseru lokal durante di mainta.

Meteorólogo: Statia