NOS SELEKSHON TA KLA PA ENFRENTÁ JAMAICA MAŇAN, 25 DI YÜNI, DURANTE NOS TERSER PARTIDO DI GOLD CUP 2019!

NOS SELEKSHON TA KLA PA ENFRENTÁ JAMAICA MAŇAN, 25 DI YÜNI, DURANTE NOS TERSER PARTIDO DI GOLD CUP 2019!

Nos selekshon nashonal a hasi su trabou i a marka historia despues di a gana Honduras ku e skor di 1-0 durante nos segundo partido di Gold Cup ku a tuma lugá 21 di yüni último. 

E viktoria aki ta bira e promé viktoria di Kòrsou durante nos partisipashon den Gold Cup. 

E resultado aki sigur ta pone nos riba e bon kaminda pa e siguiente buèlta di Gold Cup ku ta e partidonan di kuart final ku lo tuma lugá dianan 29 i 30 di yüni próksimo.

Djasabra último nos selekshon a biaha pa Los Angeles, California pa sigui ku e preparashonnan pa nos terser i delaster partido di e promé buèlta di Gold Cup. E partido aki lo ta kontra Jamaica i lo tuma lugá, mañan, 25 di yüni 2019. Jamaica ta pará na e promé puesto riba e tabla di posishon pero nos chèns pa klasifiká ta grandi. P’esei ku mas rason nos selekshon lo mester duna tur ku tin pa bai ku e viktoria un biaha mas i gana Jamaica pa asina klasifiká pa e kuart final di Gold Cup 2019.

Resultado di nos weganan:

 

Fecha Resultado Tim A Tim B Stadion
17 yüni 19 0-1 Kòrsou El Salvador Independence Park

Kingston (Jamaica)

21 yüni 19 0-1 Honduras Kòrsou BBVA Compass Stadium

Houston (Merka)

 

Tabla di posishon:

 

Pais WH WG WE WP Punto GF GK Saldo
1 Jamaica 2 1 1 0 4 3 2 1
2 El Salvador 2 1 1 0 4 1 0 1
3 Kòrsou 2 1 0 1 3 1 1 0
4 Honduras 2 0 0 2 0 2 4 -2

 

Skema di nos próksimo wega:

 

Fecha Orario Tim A Tim B Stadion
25 yüni 19 8:00 PM Jamaica Kòrsou Bank Of California Stadium

Los Angeles (Merka)

Aparte di e dianan intensivo di training di nos selekshon pa prepará pa nos partido kontra Jamaica, e pelotero yu di Kòrsou Kenley Jansen ta tin un bunita gesto i a regalá e staf ku e hungadónan di nos selekshon entrada pa bin presensiá e partido di su ekipo, LA Dodgers kontra Colorado Rockies. Despues di e partido, ku su ekipo a sa di gana ku skor di 6-3, ela saludá nos selekshon i a saka algun potrèt ku nan. Mas despues ela deseá nos selekshon tur klase di éksito pa e partido di mañan. 

E kolekshon nobo di suèter di nos selekshon, ku ta Nike original, a yega FFK! 

Aparte di e suèternan nos a risibí ‘jacket’ i karson di ‘traingspak’ tantu pa mucha komo pa adulto na diferente ‘size’ i koló. 

E preisnan di nos kolekshon nobo di merkansia di nos selekshon nashonal ta lo siguiente;

 

  • Jacket adulto (neon hel) fl.150,-
  • Jacket mucha (neon hel) fl.125,-
  • Suèter adulto (neon hel òf blou) fl.100,-
  • Suèter mucha (neon hel òf blou) fl.85,-
  • Karson di ‘trainingspak’ adulto (blou skur) fl.85,-
  • Karson di ‘trainingspak’ mucha (blou skur) fl.75,-
  • Shal di nos selekshon fl.25,-

E ‘size’ nan di mucha ta kore di XS te L miéntras di adulto ta kuminsá na S i ta yega te XXL.

Tur esaki optenibel na FFK bou di ora di ofisina.

Awe nos selekshon ta tin su último seshon di training p’asina nos ta kla pa e gran partido kontra Jamaica. Manera semper nos selekshon ta sigui konta ku e sosten, apoyo i bon vibrashon di hinter e pueblo di Kòrsou komo e di 12 hungadó pa e tremendo partido aki!

24 yüni 2019

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: