Detenshon pa ladronisia ku violensia.

KOMUNIKADO DI PRENSA
152/ 2019
26 yüni 2019
Detenshon pa ladronisia ku violensia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 25 di yüni 2019, alrededor di 20.46or, Sentral di Polis a risibí notifikashon di un
kaso di ladronisia ku violensia ku a tuma lugá na un Toko den Larahaweg.
Na yegada di e patruya a topa ku un hòmber ku a konta polis ku dos hòmber sospechoso a
sorprendé ku arma di kandela, menas’é i bai ku e kaha di plaka.
Despues di nan akto, e sospechosonan a hui bai na pia.
Kontinuando ku un búskeda den e área, polis a logra detené un di e sospechosonan e
hòmber S.J.C., 17 aña di edat, nasé na Kòrsou, pa e kaso di ladronisia i violensia ariba
menshoná.
Tambe a haña pañanan i slòf ku e otro hòmber sospechoso mester a usa den e ladronisia ku
violensia.
Tur esakinan a keda konfiská.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.