Kooperativanan Uní diProdukshon (FKUP) huntu ku CuraPumps Anochi di informashon

Anochi di informashon

 

29 novèmber 2023

Willemstad

 

Kooperativanan Uní di Produkshon (FKUP) huntu ku CuraPumps ta invitá tur persona den e sektoron di agrikultora, kriadó di bestia i sektor di produkshon na un anochi di informashon tokante aplikashon i uso di pòmpnan di pos, solar pòmp, booster pòmp i hopi mas. E evento aki su meta ta pa yuda amplia bo konosementu pa ku pòmp pa manehá bo awa den un forma produktivo i efisiente.

 

Detayenan di e evento ta inkluí:

Fecha: 29 novèmber 2023

Luga: PWFC

Orario: 07:00 PM

Entrada: Grátis

 

Na e evento lo tin presensia di ingenieronan for di Pedrollo Pumps, Italia, ekspertonan renombrá den e tereno di pòmpnan ku lo hasi presentashon nan tokante pòmpnan di pos, pòmp solar, Booster pòmp, i diferente teknologianan di pòmp pa iluminá e partisipantenan tokante nan aplikashon i uso efektivo. Esaki ta un oportunidat úniko pa amplia bo konosementu tokante e último desaroyonan den teknologia di pòmpnan di awa.

 

Pa mas informashon i pa konfirmá bo presensia, por tuma kontakto ku nos na +5999 8416505. No tin kosto di registrashon pa e evento aki.

 

No lubidá di bishitá e página di Facebook di Curapumps pa informashonnan adishonal.

Amplia bo konosementu i hasi uso óptimo di teknologia pa maneha awa di manera produktivo i efisiente. Bo presensia ta esensial pa hasi di e evento aki un éksito.

 

Tur hende ta bon biní