Kaso di maltrato ku dos detenshon.

KOMUNIKADO DI PRENSA
254 / 2019
26 yüni 2019
Kaso di maltrato ku dos detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 25 di yüni 2019 alrededor di 22.30or di anochi, Sentral di Polis a dirigí un unidat
Polisial na poliklínika di SEHOS pa un kaso di maltrato.
Na yegada di e unidat, a bin topa ku un hòmber ku hinká na su kurpa.
For di investigashon ku polis a realisá na e sitio a sali na kla, ku den área di Otrobanda e
hòmber aki tabatin problema ku un otro hòmber. Dado momento a surgí un bringamentu i
un di e hòmbernan a propiná e otro un hinká na altura di su pechu. Despues e víktima
mester a bai Poliklínika pa tratamentu médiko.
Mas lat e sospechoso mester yega poliklínika di SEHOS i einan a bolbe surgí un
bringamentu.
Na SEHOS a detené ámbos sospechoso, M.P.F. di 50 aña di edat nasé na Surinam i H.T. di
45 aña di edat nasé na Kòrsou pa e maltrato ariba menshoná.
A presenta e sospechosonan dilanti di un Fiskal Ouksiliar ku a ordená nan enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

%d bloggers like this: