Kuerpo di Brantwer i Fundashon JAG ta invitá na “Firefighter Circuit Training & Softball”

Kuerpo di Brantwer i Fundashon JAG ta invitá na “Firefighter Circuit Training & Softball”

 

Semper ora ku nos tin kontakto ku e Kuerpo di Brantwer ta pa un motibu ménos agradabel.

P’esei nan a bini ku un evento kaminda ku hinter e pueblo di Kòrsou i tur edat por será konosí ku nan mas di aserka i interkambiá di un manera muchu mas agradabel.

Den kuadro di esaki nan lo organisá dianan 13 i 14 yüli próksimo un enkuentro ku Kuerpo di Brantwer. Dia 13 yüli riba Waaigat for di 9’or mainta pa 3’or mèrdia, lo bai tin un “Trainingskamp” ku ta un kompetensia di ehersisio, tèst di abilidat, forsa, agilidat i animo. Nos muchanan tambe por gosa di bouncer i otro wega pa mucha. Esaki lo bai ta entre e bombero nan di Kòrsou i esun merikano.

Dia 14 di yüli lo bai tin na Frank Curiel Ballpark un enkuentro di sòftbòl tambe entre bombero nan di Kòrsou i esnan merikano. For di 6’or di atardi pa 11’or di anochi.

Lo bai tin un Bar i Kushina bon surti. Tur dos e aktividatnan aki ta GRATIS.

Reserva e dos dianan aki pa huntu ku e Kuerpo di Brantwer bin pasa dos dia agradabel i konosé nos bombero nan den un otro bachi.