Biyetenan di 100 florin falsu den sirkulashon na Sint Maarten

 

Biyetenan di 100 florin falsu den sirkulashon na Sint Maarten

Willemstad/Philipsburg – Centrale Bank van Curaçao en Sint Maarten (CBCS) a tuma nota ku tin biyetenan
di 100 florin falsu den sirkulashon na Sint Maarten.
CBCS ta supliká komunidat di Sint Maarten pero tambe di Kòrsou pa paga bon tinu na momentu ku ta
aseptá biyetenan bankario (en partikular e biyetenan di 100), sigur awor ku e dianan di fiesta ta
aserkando. Si bo tin duda serio pa loke trata e outentisidat di e biyete nos ta rekomendá pa rechasá e
biyete i tuma kontakto ku polis.
Pa e karakterístikanan di outentisidat di biyetenan di banko, nos ta referí bo na nos wèpsait:
http://www.centralbank.cw/banknotes. Tambe riba nos wèpsait bo por haña un video klep kòrtiku ku
ta splika tur e karakterístikanan di outentisidat di e biyetenan. E klep tambe ta ilustrá ku no ta na
apariensia di e persona ku ta paga por asumí ku un biyete ta outéntiko pero solamente a base di e

karakterístikanan. Por wak e video aki: https://www.centralbank.cw/education/videos/security-
features-of-banknotes

Kisas innesesario, CBCS ta informá ku niun persona ni establesimentu ta permití pa aseptá biyetenan
falsu. Ta rekomendá pa alertá polis mas pronto posibel na momentu ku bo ta kere ku bo a wòrdu
konfrontá ku un biyete bankario falsu. Pa falsifikashon di sèn òf paga ku sèn falsu konsientemente tin
un kastigu di máksimo 9 aña.

Willemstad, 19 novèmber 2021
CENTRALE BANK VAN CURAÇAO EN SINT MAARTEN