A ENKONTRÁ KURPA SIN BIDA DI PERSONA PÈRDÍ

*UPDATE #2:* A ENKONTRÁ KURPA SIN BIDA DI PERSONA PÈRDÍ

Awe, djasabra 13 di yüni, alrededor di 8 or di mainta, ‘meldkamer’ sentral a risibí notifikashon ku a topa ku kurpa di e persona ku tabata pèrdí den bahia di Sorobon / Lac Cai.

Ku boto a trese e kurpa tera despues di kua a transport’é pa mortuario. Dòkter a konstatá morto di un hòmber di inisial M.S.N.F. di 30 aña di edat nasé na Boneiru.

Departamentu forénsiko di KPCN i dòkter a kondusí un investigashon mas aleu i por konfirmá ku ta trata di un kaso di hogamentu.