KOMUNIKADO DI PRENSA 543/2023
18 novèmber 2023

Intento di atrako ku tiramentu

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 17 di novèmber 2023 alrededor di 18.13’or, Sentral di Polis a risibí informashon
ku tabatin un kaso di tiramentu na un kunuku riba Ronde Klipweg na unda tin un negoshi ku
ta bende webu.
Mesora a dirigí unidatnan na e sitio i na yegada di e promé unidat, el a bin komprondé ku
algun ratu promé dos hòmber kompletamente na pretu bistí a sorprendé trahadónan di e
kunuku aki ku intenshon probablemente pa tira atrako riba nan.
E duo sospechoso aki tabata den poseshon di arma di kandela.
Personal di un kompania di seguridat privá ku na e momentu ei tabata na e negoshi, a
kontestá ku algun tiru dirigí riba e hòmbernan, despues ku e sospechosonan a lòs varios tiru
riba nan.
Seguidamente e sospechosonan a bati retirada den direkshon wèst.
E personal di e kompania di seguridat no a resultá heridá, pero no ta konosí si di parti di e
sospechosonan, ku nan a risibí tiru.
Na e sitio polis a topa ku un kantidat di kashi di bala ku a keda konfiská pa mas
investigashon.