Ban sigui apoyá i sostené nos selekshon di Futbòl di Kòrsou!

Ban sigui apoyá i sostené nos selekshon di Futbòl di Kòrsou!

Na opinion di parlamentario Curtley Obispo: nos selekshon di futbòl di Kòrsou, e aktual kampeon di Karibe den henter e luna di Yüni 2019 sigur a sa di duna un bon  presentashon ku a pone nos Pais Kòrsou riba mapa mundial. Danki pa boso dedikashon, esfuerso i patriotismo pa ku nos Pais Kòrsou. Orguyoso di boso prestashon nan di futbòl na Thailand, Jamaica i Merka. Loke a buta ku boso i Kòrsou a gana e King’s Cup di Thailand i ku pa promé biaha Kòrsou ta entre e 8 mihó ekiponan di Concacaf Gold Cup. Bosnan a hasi historia i sigur ta hasiendo historia pa loke ta futbòl di Karibe i Concacaf. P’esei mester kontinuá ku e proseso importante aki pa nos komo Kòrsou sigui subi den ranking di Concacaf i tambe FIFA. Boso Por!. Sigui ku e trabounan duru pa asina selekshon i Kòrsou tin viktoria nan pa loke ta trata e próksimo 4 weganan di Liga A di Concacaf Nations League.

Pueblo di Kòrsou, laga nos tambe komo fanátiko, e number 12, sigui apoyá i sostené nos selekshon di futbòl kampeon di Karibe pa loke ta e próksimo 4 partidonan di futbòl di Liga A di Nations League. Ta trata e partidonan di futbòl aki na Kòrsou di dia 7 sèptèmber 2019 kontra Haiti i 14 novèmber 2019 kontra Costa Rica. Pa loke ta e 2 weganan aki na Kòrsou laga nos komo fanátiko, e number 12, yena stadion i asina apoyá nos selekshon di futbòl di Kòrsou, kampeon di Karibe.  Laga nos tambe sostené nos selekshon durante e 2 partidonan di futbòl pafó di Kòrsou di dia 10 sèptèmber 2019 kontra di Haiti na Haiti i 13 òktober 2019 kontra Costa Rica na Costa Rica.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: