Maris Stella SBO ku tremendo sena “Selebrashon Dia di Bandera”

Maris Stella SBO ku tremendo sena “Selebrashon Dia di Bandera”

Den kuadro di Selebrashon Dia di Bandera, Maris Stella SBO a organisá un sena dia 27 yüni último.

Kaminda ku e alumno nan un total di 15 a bini huntu for di 12’or di mèrdia pa bin hasi nan preparashonnan den e restorant i kushina. Tur loke ku a wòrdu sirbi a ser prepará riba e mesun dia ei. 

Tabata un anochi plasentero i e platonan tabata full krioyo pero den un bachi moderno. Kompaña pa un bon servisio. Tur invitado a sali sumamente kontentu ku e resultado final. 

Nos kier a yama danki na tur ku tabata presente pa asina duna e sosten na nos alumnonan.

Riba e fotonan por apresiá parti di e anochi na e Restorant di Maris Stella SBO, na Grebbelinieweg 62.