Pronóstiko di tempu pa Kòrsou i bisindario bálido te djamars mainta 06:00 o.l, 9 di yüli 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 9 di yüli 2019.
Kompilá: djaluna 8 di yüli 2019, 05:00 o.l. (09:00 UTC)

Tempu: Generalmente leve nublá i ku eksepshon di un áwaseru leve i di durashon kòrtiku awe mainta tempran, wer seku lo prevalesé. Djamars marduga i mainta  lo bai tin momentu ku algu mas nubia for di kua por desaroyá un  of mas áwaseru.

Temperatura máksimo lo alkansá 32 ºC i temperatura mínimo 27 ºC.
Solo ta sali 06:17 i ta baha 19:05 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga por ta de bes en kuando fuerte; forsa 6 (40 te 50 km/h, 22 te 27 nudo).

Situashon general: Den proksimo 24 ora no ta premirá kambio signifikante den e tipo di wer ku tin aktualmente den nos region. Sin embargo, pasashi di un ola tropikal suak den nos área entre djaluna anochi i djamars, por generá oumento di nubia ku por trese algu mas áwaseru riba nos isla. Ademas, e fluho di bientu lo ta moderá i de bes en kuando basta fuerte riba nos isla i su bisindario. Mas aleu, bista lo mehorá durante e próksimo dianan na momento ku presensia di santu fini di Sahara bira ménos.

Kondishon di laman: Por lo general moderá ku altura di olanan entre 1 te 1.5 meter (3 te 6 pia).

Sistemanan signifikante di wer tropikal: Ningun.

Fenómeno spesial: Ningun.

Pèrspektiva te djárason mainta: Por lo general parsialmente nublá ku posibilidat chiki pa un áwaseru di durashon kòrtiku.

Meteorólogo: Statia