Pronóstiko di tempu pa Kòrsou i bisindario bálido te djadumingu mainta 06:00 o.l, 14 di yüli 2019.

Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l, 14 di yüli 2019.
Kompilá: djasabra 13 di yüli 2019, 05:00 o.l. (09:00 UTC)

Tempu: Parsialmente nubla, temporalmente hopi nubla ku chèns pa algun áwaseru lokal. Tambe tin un posibilidat chikí pa bos zona.

Temperatura máksimo lo alkansá 30 ºC i temperatura mínimo 25 ºC.
Solo ta sali 06:18 i ta baha 19:05 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). Durante dia, de bes en kuando basta fuerte den ráfaga; forsa 5 (31 te 39 km/h, 17 te 22 nudo).

Situashon general: Un  próksimo ola tropikal lo sigui aserka i alkansá nos region. Esaki ta oumentá e potensial pa áwaseru i ku chèns pa bos zona. Ademas, ta premirá ku e fluho di bientu lo keda un poko suak awe, pero lo bira mas fuerte riba mañan.

Kondishon di laman: Trankil te moderá ku altura di olanan entre 0.5 te 1.5 meter (2 te 4 pia).

Sistemanan signifikante di wer tropikal: Tormenta Tropikal Barry ta situá riba e parti nort di Golfo di Mexico miéntras e ta move poko poko den direkshon nort wèst. Ta premirá ku den transkurso di awe mainta tormenta lo subi tera parti west di New Orleans (US). E tormenta no ta forma un peliger pa nos área.

Fenómeno spesial: Ningun.

Pèrspektiva te djaluna mainta: Parsialmente nublá, temporalmente hopi nublá ku chèns pa un áwaseru leve durante mainta.

Meteorólogo: Figueroa