“Djasabra i djadumingu awor  “  Sentro di Bario di Montaña ta bai organisá “Feria di Famia” ku mas d 25 wega pa mucha 

“Djasabra i djadumingu awor  “ 

Sentro di Bario di Montaña ta bai organisá “Feria di Famia” ku mas d 25 wega pa mucha 

 

Boso ta kòrda e weganan di ántes durante di un Feria, awèl Sentro di Bario di Montaña ta organisá un Feria di Famia, un evenementu ku mas di 25 wega pa mucha i hende grandi ku premionan atraktivo.  E Feria aki ta netamente pa mucha, hóben i adulto mayor. Nos lo laga boso rebibá bek kon ántes tabata bula den saku, tira bleki, tira bala den boka di e payaso, pone rabu pa e buriku i hopi mas, tur esaki pa bario di Montaña i bisindario. Espesial pa su habitantenan nos di Sentro di Bario ke pa nos muchanan presensia e feria aki. Wega ta di Fl. 1,00 t/k fl. 3,00 tur esaki ta djasabra awor di 5’or atardi pa 10’or anochi i djadumingu di 12’or mèrdia pa 7’or anochi . 

Entrada ta Fl. 1,00 general………..Nos lo hasi e dia aki posibel pa tur ku ta di bario i bisindario. Lo ta un dia karga ku mas di 25 diferente stènt ku weganan i premionan atraktivo, lo bai tin “BON KU NE” di florin pa wega pa nos adulto mayornan. 

 

Lo tin animashon di un DJ pa e dia ta kompleto, nos bar i kushina no por keda afó.  Lo bai tin batata, soseshi, galiña hopi mas. Tur esaki pa nos krea un fondo, ya asina nos por keda traha na bienestar di e bario i su habitantenan. Nos Sentro di Bario ta hasi tur tipo di aktividat. Nos ke embolukra tur hende i organisashon manera, chikitu, hóben, adulto i nos grandinan. I organisashon manera skouting, klupnan deportivo, skolnan den bisindario, organisashonnan spiritual i otronan. Pa konhunto asistí na nos Feria di Famia. I asina nos por rebibá i siña nos muchanan kon dushi nos por hunga na un manera sano .

 

Sinembargo ta kosecha di tur kunuku ta yena mangasina anto sin bo aporte balioso nos lo no por logra nos meta.  Nos ke trata na mantené un union entre habitantenan den barionan pariba i bisindario.

Un boka bisa otro