CBCS ta enfatisá progreso den e proseso stratégiko di ENNIA Aruba 

  

PB2026-015 

  

CBCS ta enfatisá progreso den e proseso stratégiko di ENNIA Aruba 

WILLEMSTAD/PHILIPSBURG – Centrale Bank van Curaçao en Sint Maarten (CBCS) a tuma nota  di informashonnan resien den prensa ku ta trata di Ennia Caribe Holding (Aruba) N.V. (ECHA) i  su empresanan filial (ENNIA Aruba).  

  

Manera CBCS i Centrale Bank van Aruba (CBA) a komuniká huntu anteriormente, e opshonnan  stratégiko pa ENNIA Aruba ta wòrdu eksplorá. E proseso akí ta kanando na un manera konstruktivo  i den bon konsulta entre CBCS i CBA. 

Debí na e konfidensialidat di e proseso akí, CBCS no por drenta den detaye tokante e kontenido  di e kombersashonnan i e diferente opshonnan stratégiko ku ta investigando. Sin embargo, CBCS  ta nota ku e informashon den prensa ta kontené diferente eror i ta duna un imágen inkorekto di e  situashon aktual.  

E akshonnan di e kompania di seguro na Aruba ta den man di ECHA, ku konforme e  Hoofdlijnenakkoord di 11 di aprel 2024, ta kai bou di VEHIA N.V. CBCS ta enfatisá ku e trayekto  stratégiko pa ENNIA Aruba no ta afektá e aktividatnan ni e operashon diario di e kompania. ENNIA  Aruba ta un institushon finansiero sólido ku ta funshoná independientemente i ku ta bou di  supervision di CBA. 

Den e evaluashon di e diferente opshonnan stratégiko, CBCS kontinuamente ta tene kuenta ku e  interesnan tantu di ENNIA Aruba i su aseguradonan, komo esnan di Grupo ENNIA en general i su  aseguradonan. CBCS i CBA lo sigui traha huntu den estrecho koperashon pa sigurá ku e proseso  akí ta sigui kana di forma kuidadoso, ordená i den interes di stabilidat finansiero i di tur  stakeholdernan envolví. 

Willemstad, 6 di mei 2026 

CENTRALE BANK VAN CURACAO EN SINT MAARTEN