Konseho di Minister ta risibí promé seri di stampia ‘The Blue Wave’
Konseho di Minister ta risibí promé seri di stampia ‘The Blue Wave’
Publiká riba 06 Mei 2026
Willemstad – Riba djaráson 5 di mei, Konseho di Minister a risibí bishita di representantenan di Cpost International N.V. ku a presentá un seri nobo di stampia yamá ‘The Blue Wave’ na nan. E seri aki ta konsistí di seis stampia ku ta konmemorá e echo ku pais Kòrsou, lo partisipá na ‘World Cup 2026’ pa promé biaha den historia i komo e pais mas chikí na mundu.
Minister Shalton Hato komo vise promé Minister huntu ku Ministernan Middelhof i Minister Boekhoudt a risibí e seri di stampia aki for di man di CEO di CPost International N.V, Sr. Jervhes Josephia.
Sr. Josephia a ser kompañá pa e siguiente representantenan di Cpost International N.V. Sr. Samuel Nicholas – Director Corporate Sales & Retail Services i Sr. Arnold Martis – Manager Sales & Marketing.
