MCB su sistema di pago Contactless ku Bankomatiko Smart Card ta riba merkado ‘Tap Tap i paga Fast, Fast!’

MCB su sistema di pago Contactless ku Bankomatiko Smart Card ta riba merkado

‘Tap Tap i paga Fast, Fast!’

 

Willemstad – Ku plaser Maduro & Curiel’s Bank ta anunsiá ku su tarheta Bankomatiko Contactless Smart Card awor ta disponibel na Kòrsou pa uso rònt mundu.

Lo finalisá instalashon di e terminalnan di pago na Kòrsou durante e simannan benidero. 

Pa pago Contactless, konosí tambe komo Tap, ku un tarheta di Bankomatiko di MCB no tin mester di hinka bo tarheta ni bo PIN den e terminal di pago. Pa kompranan di 45 florin òf ménos na lugá di paga ku kèsh, bo ta simplemente TAP i kompletá e pago mesora. Pa bo seguridat tin un límite akumulativo pa pagonan Contactless konsekutivo, esaki ta NAf. 100,-. Na momentu ku bo surpasá e montante aki e terminal di pago mes lo indiká pa bo Chip i PIN pa kompletá bo pago. Asina outomátikamente bo pagonan Contactless ta wòrdu reaktivá te ora bo yega e montante di NAf. 100,- atrobe.

 

E rekisitonan pa por hasi pagonan contactless ku bo tarheta di Bankomatiko ta:

1: Bo tarheta di Bankomatiko mester tin e opshon pa e servisio di Contactless. Esaki bo ta rekonosé na e símbolo di Contactless bèrdè na banda drechi ariba parti dilanti di e tarheta.

2: Bo mester ta registrá pa e sistema di MCB Personal Online Banking.

3: Si bo tin bo tarheta di Bankomatiko Maestro Contactless kaba, òf bo risibí esun nobo, bo mester yama 466 1111 pa aktivá e opshon pa por hasi pagonan Contactless.

4: Bo mester tin un e-mail adrès pa risibí notifikashon kada biaha ku bo hasi un pago Contactless.

  1. E terminal di pago mester tin e símbolo di Contactless riba dje i e terminal mester ta aseptá Maestro.

 

Pa un temporada kaba MCB a emití e tarhetanan di Bankomatiko ku e posibilidat pa hasi pago Contactless. Bo por rekonosé e tarheta Bankomatiko Maestro Contactless na e símbolo di contactless bèrdè na man drechi ariba parti dilanti di e tarheta. Klientenan ku no tin un tarheta ku ta Contactless ainda lo risibí esaki ku e siguiente renobashon di nan tarheta. Komo un spesial di MCB, durante luna di yüli i ougùstùs, bo por remplasá bo tarheta di Bankomatiko pa esun Contactless sin gastu adishonal na kualke brènch di MCB (gastunan normal ta NAf. 10,60).

 

Transakshonnan Contactless ta kresiendo rònt mundu komo ku esaki ta rápido, fásil i seif. MCB su promé terminalnan di pago Contactless na Kòrsou pronto lo ta instalá na Subway, Pizza Hut, KFC, McDonald’s, Burger King i Domino’s Pizza.

Despues gradualmente MCB lo ekspandé tur su puntonan di benta di manera ku por hasi pagonan Contactless na tur establismentu riba nos isla ku tin un terminal di pago di MCB.

 

Pagonan Contactless ku bo Bankomatiko ta otro solushon inovativo ku MCB ta ofresé pa amplia e servisio efisiente na su klientenan. Pa mas informashon pa aktivá bo tarheta pa transakshonnan Contactless tuma kontakto ku MCB na 466 1111.

Kòrsou, 22 di yüli 20

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: