Tayer “ Exercise is Medicine” Pa Profesionalnan di Salud y Entrenadornan Fysico

Tayer “ Exercise is Medicine”

Pa Profesionalnan di Salud y Entrenadornan Fysico

 

Fundacion Movemento ta Bida (FMTB) hunto cu Transition 2 Health y diferente stakeholder lo bai organisa, diabierna dia 16 di augustus 2019, un tayer tocante “ Exercise is Medicine” specialmente pa Profesionalnan di Salud y Entrenadornan Fysico.

 

Durante e tayer aki lo haya e oportunidad unico pa expande conocemento y pone den practica e guia y normanan di e programa mundial “Exercise is Medicine”.

E topico di EIM (Exercise is Medicine) ta cuadra perfectamente cu nos vision: habilidad pa educa y  cambio den estilo di bida.

Cu e conocemento aki e profesional lo siña nos comunidad cu pa medio di movecion nan por haci cambio na nan estilo di bida y hiba un bida mas saludabel. Na luga di haci uso di pildo como prome opcion, esaki lo ta un paso grandi den prevencion di malesa y promocion di salud.

 

Nos kier a invita tur organisacion den sector di salud y actividad fysico di Aruba manera entre otro specialistanan, dokter di cas y praktijk ondersteuners, psycologo, fysioterapista, ergoterapista, dietista y nutricionista, enfermeronan, docentenan di actividad  fysico y instructornan y tur otro profesional cu lo por beneficia di esaki, pa inscribi.

Pa inscribi bo lo mester a haya un invitacion personal via Eventbrite. Pero si bo no a ricibi esaki y bo ta interesa tuma contacto cu nos via: movemientotabida@gmail.com.

 

Tayer “ Exercise is Medicine” lo tuma luga den Renaissance Convention Center.  E evento ta cuminsa pa 7.30 ‘or di mainta y ta termina 5 ‘or di atardi. E tayer aki lo wordo duna door di dos doctor specialisa ariba e tereno aki esta Dra Sandra Matsudo-Mahecha y Dr John Duperly.

E tayer ta consisti di un parti theoretico y despues di merdia un parti practico . Nos ta sugeri tur participante bin sportief bisti. Lo bai tin lunch pa e participantenan.

E tayer di “Exercise is Medicine”, ta un vision comparti entre ‘American College of Sports Medicine’ y  ’ American Medical Association’. E meta ta pa yuda yega na un mihor salud y tambe un mihor calidad di bida di cada persona, incluyendo e pueblo di Aruba en general, pa medio di conseho/recomendacion individual di actividad fysico.

E curso/tayer di prescripcion di ehercicio ta enfoca/dirigi na tur profesional di salud y lo tuma lugar pa prome biaha na Aruba.

 

Tur aña ta trata na trece mas informacion tocante ehercicio y con esaki ta yuda den e estado fysico y mental di diferente pashent p’asina cu menos remedi alivia nan problemanan.

E curso aki lo duna tur participante e oportunidad pa siña e normanan basico y e habilidad pa por prescribi actividad fisico.  E participantenan lo ricibi un certificado  digital.

E tayer lo wordo duna den dos idioma esta Spaño y Ingles pero pa awor aki ta solamente Spaño lo wordo accepta ya cu e parti di ingles ta completamente yen.

Si bo kier haya sa mas di e topico por bai riba e website: www.exerciseismedicine.org.

Bo inversion lo ta Afl 125.00  y por deposita esaki ariba cuenta di Movemiento ta Bida CMB account number #60743509. Nos ta invita tur e profesionalnan den ramo di salud, actividad fysico  y tur esnan interesa  cordialmente pa participa na e tayer aki.

Como cu lugar pa participa ta limita e promernan cu registra lo segura nan lugar.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: