Kaso di kiebro i intento di ladronisia ku detenshon

KOMUNIKADO DI PRENSA 288 / 2019
27 yüli 2019
Kaso di kiebro i intento di ladronisia ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 27 di yüli 2019, alrededor di 02.33’or di mardugá, Sentral di Polis a risibí
informashon di un kaso di kiebro ku ta tumando lugá na un kas den área di Suffisant.
E unidat ku a yega na e sitio, a topa ku dos hòmber den e área nèt na momentu ku nan a
kaba di bandoná e sitio.
E dos sospechosonan no a lográ di drenta den e kas.
Mesora polis a detené e sospechosonan K.D.C.I.F., di 17 aña di edat i J.B.E., di 18 aña di
edat tur dos nasé na Kòrsou, pa e kiebro i intento ariba menshoná.
A presentá e sospechosonan dilanti di un Fiskal Ouksiliar, ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: