PAR: Tardansa den entrega di material di skol

Na: Minister di Enseñansa, Siensia, Kultura i Deporte

Sra. M. Alcala Wallé

Bon BIni Business Center

Presente

 

Kòrsou, 29 yüli 2019

 

Tópiko: produkshon di Material pa skol

 

Apresiabel Minister Alcala Wallé,

 

Resientemente tabatin basta konsternashon bou di mayor i institutonan di formashon pa ku e falta di bukinan pa skol. Frakshon di PAR a tuma nota ku tin dos fundashon ku ta hasi un trabou similar pa ku produkshon i entregá di buki i tur dos ta risibí un supsidio di Gobièrnu. 

 

Esaki ta trese bastante konfushon pa loke ta trata  ken ta responsabel pa kiko i kua ta e tareanan asigná na kada un fundashon. Fundashon pa Planifikashon di Idioma (FPI) a keda funda na aña 1998 i for di e tempu ei e fundashon a tuma ofer e tareanan di Sede di Papiamentu. E tareanan di Fundashon pa Material pa Skol (FMS) i su ròl ta ménos kla den e totalidat, mas ainda despues di introdukshon di enseñansa liber. 

 

Ku introdukshon di enseñansa liber a pone riba gobièrnu e responsabilidat pa fasilitá bukinan pa tur alumno. Pa aña eskolar 2017/2018 FMS a indiká den un komunikado ku e bukinan ta wòrdu entregá den un mal estado dor di e studiantenan. E gastunan pa ku destrukshon di e material di skol ta kai riba e responsabilidat di e mayor i segun FMS lo kobra e mayornan ku entregá buki kibra. Tambe FMS ta indiká na aña eskolar 2017/2018 ku nan tin falta di personal i pa e motibu ei nan no por entregá e bukinan na tempu. 

 

Den kuadro di esaki  suskrito ta hasi e siguiente preguntanan:
1. Minister Alcala Wallé por indiká na Parlamento di Kòrsou, kuantu supsidio ta bai na tur dos fundashon i kua ta nan tareanan?

  1. Gobièrnu ta supsidiá tantu FMS, komo FPI, Parlamento di Kòrsou por risibí e último relato di aña di tur dos fundashon, ademas di nan statuto i lista di e direktiva? 
  2. Tin hopi keho pa ku entrega lat di bukinan den kuadro di enseñansa liber, minister Alcala Wallé por duna Parlamento di Kòrsou un splikashon ta dikon esaki ta asina?
  3. Den un komunikado di prensa, na aña 2018, FMS a duna di konosé ku nan tin solamente dos trahadó ku tin konosementu pa ku e bukinan di enseñansa liber. Minister por fasilitá Parlamento di Kòrsou ku informashon tokante e kantidat di personal di FMS i su rekurso humano pa manehá  e tarea pa produsí i entregá buki?
  4. Den pasado miembronan di Parlamento di Kòrsou a hasi e pregunta si por unifiká FPI i FMS mirando e similitut di nan trabou. Teniendo kuenta ku ta fundashonnan independiente. Minister lo por duna informashon tokante e relashon di FPI i FMS pa ku otro i e posibilidat pa unifiká e dos fundashonnan aki?
  5. Un tarea primordial ta produkshon di material di skol. Minister Alcala Wallé por informá Parlamento di Kòrsou kuantu buki a keda produsí durante último añanan i dor di kua fundashon?
  6. Minister Alcala Wallé por informá si bèrdat ta kobra mayornan pa daño hasi na bukinan? 

 

 

Atentamente,

 

Ana Maria Pauletta

Miembro di Parlamento Partido Alternativa Real 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: