Ala Jaza den Konsierto na Kòrsou…..!!!!!

Ala Jaza den Konsierto na Kòrsou…..!!!!!

 

Manera ya ta konosí i despues di nos rueda di prensa, tur informashon pa ku e gran presentashon di Ala Jaza na Kòrsou dia 10 ougùstùs próksimo ta konosí.

Fundashon JAG a tuma kontakto ku Dj Argenis Huerta i Felito Martinez di Felito & 6To Sentido pa por bisa kiko tur por spera di nan banda na presentashon di Ala Jaza na Kòrsou.

 

Segun Dj Argenis Huerta, “Ala Jaza tei dal hopi duru mes. Hopi piesa tantu na Merengue Urbano komo Bachata ku e tin pega ku nos tur ta gusta, loke tabata falta pa sa ta di ken e piesanan ta òf ta ken ta e Artista ku a krea i ta interpretá e piesanan. Awor ku tur hende sa ta ken ta kanta e piesanan aki, nan a bira Loko. Mi tin ku bisa ku pa ami mes ta mas ku un plaser ku Fundashon JAG  a aserkámi pa por forma parti di e tremendo konsierto aki. Huerta Crew lo ta sende sende, kla pa pone tur hende baila i gosa den Curaçao Festival Center ku pa e anochi di 10 di ougùstùs, lo ta un Salon di Baile ku hopi Lights Effects i ku e animashon ku nos semper ta perkurá pe. Pues tur persona bin ku gana di gosa i pasa bon. mi tin ku bisa ku e evento aki mi ta sinti e vibe meskos ku dia di e Jump in di HAKE, kaminda tur hende kier tabata ei den. Kòrsou bin gosa di Ala Jaza den Konsierto” !!!!!!

 

Nos a kombersa ku Felito Martinez, “Pa ami komo doño i direktor musikal di 6to Sentido mi ta sintimi super orguyoso di por forma parti di e konsierto yama “Que nadie se meta”. Di e merenguero Urbano Ala Jaza. Fo’i 2 siman pasa 6to Sentido a kuminsá den full swing ku e ensayo nan pa trese un variashon den e anochi di e konsierto. Ku un repertorio “por la goma” i sobr’é todo di taya pa ku esaki. Tantu ami personal komo kada músiko di e orkesta aki nos ke yama danki fo’i awor aki na Dios, na Fundashon JAG pa e konfiansa i danki na Kòrsou pa e apoyo”.

Kòrda buska boso karchinan : GENERAL i SILVER ta optenibel na Mensing’s Caminada i 24 uur uit de muur. I pa e sekshonnan GOLD i DIAMOND por yama na telefon +599 9 685 0475 òf +599 9 529 2071.

Fundashon JAG huntu ku su partnernan ta invitá bo pa bin disfrutá di ALA JAZA den Konsierto na Kòrsou.

 

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: