Minister di Hustisia Quincy Girigorie:  Djabièrnè último mi tabata presente durante kòntròlnan ku Kuerpo Polisial Kòrsou huntu ku VKC a organisá.

Minister di Hustisia Quincy Girigorie:  Djabièrnè último mi tabata presente durante kòntròlnan ku Kuerpo Polisial Kòrsou huntu ku VKC a organisá. Esaki tabata kòntròlnan preventivo (státiko) den tráfiko i tambe kòntròlnan no státiko (moviendo riba kaya) kaminda entre otro a para outonan i kontrolá esakinan.Tabata un akshon den kuadro di Sentro di Akshon Kòrsou. E akshon tabata dirigí riba kòntròl i prevenshon riba kaya. El a dura di 3’or pa 8’or di anochi, na 10 lokalidat rònt Korsou di forma kordiná. Mi a pasa e varios lokalidatnan huntu ku Polis i a djis eksperensiá e akshonnan. Tur esaki ta den kuadro di amplia e visibilidat di Polis riba kaya i tambe halsa nan kapasidat pa prevení krímen. Trabounan ta sigui!

 

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: