NOS SELEKSHON NASHONAL KATEGORIA U-15 TA NA TAMPA DI 4 PA 11 DI OUGÙSTÙS DURANTE E CONCACAF BOYS U-15 CHAMPIONSHIP!
NOS SELEKSHON NASHONAL KATEGORIA U-15 TA NA TAMPA DI 4 PA 11 DI OUGÙSTÙS DURANTE E CONCACAF BOYS U-15 CHAMPIONSHIP!
Despues di un temporada di training intensivo i un periodo di preparashon ekstenso, ku a konta ku un torneo di ‘warm-up’ aña pasa unda nos selekshon e tempu ei U-14 a teminá na segundo puesto, awe djabièrnè 2 di ougùstùs, nos selekshon nashonal kategoria U-15 a biaha pa Tampa pa asina kumpli ku nan kompromisonan den e CONCACAF Boys U-15 Championship 2019 ku lo tuma lugá di 4 pa 11 di ougùstùs próksimo aya na Tampa.
Nos selekshon a biaha ku American Airlines den oranan trempan di mainta pa Miami pa despues sigui pa Tampa. Na tur tin 42 pais ku ta kompetí den e torneo aki. Nan a keda repartí den 3 divishon di kua nos ta forma parti di e promé divishon den pul A huntu ku Trinidad & Tobago, Panama i Mexico.
E buèlta preliminar ta di 4 pa 7 di ougùstùs i e ekiponan ku kaba na promé ku segundo puesto ta klasifiká pa e kuart final miéntras esnan ku keda na di 3 ku 4 lugá lo hunga pa determiná nan puesto riba e tabla di posishon.
Skema di weganan:
| Fecha | Orario | Tim A | Tim B | Lugá | |
| 1 | 4 oug. 19 | 11:00 AM | Trinidad & Tobago | Kòrsou |
IMG Academy
|
| 2 | 5 oug. 19 | 11:00 AM | Kòrsou | Panama | |
| 3 | 7 oug. 19 | 11:00 AM | Kòrsou | Mexico |
Despues di e 3 partidonan aki, nos ta sa di nos a klasifiká pa e kuart final ku ta tuma lugá dia 8 di ougùstùs.
Nos selekshon nashonal kategoria U-15 ta konsistí di un grupo di 18 hungadó, ku ta wòrdu dirigí pa Sr. Germain Ignacius ku ta e entrenadó di e selekshon aki i Sr. Marco de Jong ku ta e asistente di e entrenadó.
Tambe ta biaha huntu ku e selekshon, Sr. Roderick Rojer ku ta esun enkargá ku e materialnan,
Sr. Ramfis Filet ku ta e dòkter di nos selekshon i e hefe di delegashon ta Sr. Hubert Isenia, miembro di direktiva di FFK.
Nos selekshon ta konsistí di e siguiente hungadónan:
- Keanu Zichem (Excellence School)
- Eduardiño Perez Feliz (New Song)
- Leonardo De Lira (Atletiko Saliña)
- Jaden-Tyrell Rock (Subt)
- Rensver Juliana (Excellence School)
- Rayhim Inesia (Scherpenheuvel)
- Yesías Ignacius (Excellence School)
- Zaïn Virginia (Atletiko Saliña)
- Gurailly Hooi (Subt)
- Melbourne Marques Ricardo (Atletiko Saliña)
- Rayden Winklaar (Undeba)
- Jaeve Elshot (Excellence School)
- Dayron Boelijn (Scherpenheuvel)
- Keanu-Reeves Krips (New Song)
- Quihaindri Bibiana (Scherpenhuevel)
- Gior Selassa (Inter Willemstad)
- Mika Donker (Inter Willemstad)
- Shedrion Mathilda (Subt)
FFK ta deseá nos selekshon nashonal kategoria U-15 tur klase di éksito i tin sigur ku nan lo sa di hasi un bon trabou na Tampa durante e CONCACAF Boys U-15 Championship 2019.
2 ougùstùs 2019
