𝗠𝗶𝗻𝗶𝘀𝘁𝗲𝗿 𝗠𝗶𝗱𝗱𝗲𝗹𝗵𝗼𝗳 𝗵𝘂𝗻𝘁𝘂 𝗸𝘂 𝗖𝗜𝗡𝗘𝗫 𝘁𝗮 𝘀𝗶𝗴𝘂𝗶 𝗳𝗼𝗿𝘁𝗮𝗹𝗲𝘀𝗲́ 𝗹𝗮𝘀𝗼𝗻𝗮𝗻 𝗲𝗸𝗼𝗻𝗼́𝗺𝗶𝗸𝗼 𝗲𝗻𝘁𝗿𝗲 𝗞𝗼̀𝗿𝘀𝗼𝘂 𝗶 𝗖𝗼𝗹𝗼𝗺𝗯𝗶𝗮.

Awe mi a bishitá CINEX den kuadro di e “𝗖𝘂𝗿𝗮𝗰̧𝗮𝗼–𝗖𝗼𝗹𝗼𝗺𝗯𝗶𝗮 𝗧𝗿𝗮𝗱𝗲 𝗠𝗶𝘀𝘀𝗶𝗼𝗻”, kaminda mas ku 11 kompania Colombiano i mas ku 20 kompania lokal a reuni pa eksplorá oportunidatnan di komersio, invershon i kolaborashon.

E parti aki ta resultado di e Memorandum of Understanding (MoU) entre CINEX i Caribe Exponencial, ku a habri e porta pa Caribe Exponencial trese mas ku 11 kompania Colombiano na Kòrsou pa eksplorá oportunidatnan konkreto di negoshi i invershon.

Un paso importante pa sigui konektá nos empresarionan ku merkadonan internashonal i krea mas oportunidat pa kresementu ekonómiko di Kòrsou.

Tambe, mi tabata testigu di e firmamentu di e akuerdo di kolaborashon entre CINEX i Tarper29, un proyekto lokal di desaroyo residencial na Piscadera. E akuerdo aki ta mustra kon CINEX ta sigui apoyá empresarionan lokal den desaroyo di nan proyektonan i konektá nan ku invershonistanan, kumpradónan i otro stakeholdernan relevante, tantu lokal komo internashonal.

Esaki ta un bon ehèmpel di kon kooperashon entre sektor públiko i privá por krea oportunidatnan nobo pa Kòrsou.