Preparashonnan pa 50 edishon di Festival di Tumba  ta den full preparashon.

Preparashonnan pa 50 edishon di Festival di Tumba  ta den full preparashon.

Lo ranka sali ku, Tumba Vibes, djamars awor, 6 di ougùstes 7’or di anochi,  na De Fles.

Ounke  nos pais ta pasando den momentonan aki, diferente akshonnan ta tuma lugar pa hasi e selebrashon  di e 50 edishon, algu grandi i memorabel.

Direktiva durante  último lunanan a traha fuerte riba diferente aspekto finansiero, i ku danki na koperashon di diferente instansia, ta yegando  na palabrashonnan satisfaktorio.

Hopi ta e instansianan ku ta dunando un  bon man na e kousa i ku ta sosteniendo nos festival di tumba  den un forma masha balioso,

Un di einstansianan aki , sigur ta Licores  Maduro, dirigí pa e inkansabel sr. Omar van der Dijs.

Den e próksimo simannan Amak i su koloaboradornan lo aserká, “Branding partnernan , potensial, pa  yega na palabrashonnan konkreto.

Ta e intenshoni pa medio  òktober, presentá e famia, di komesrsiantenan, ku lo respaldá, festival di tumba 2020.

Aktualmente, tin 5 proyekto grandi, ku lo bai promové, festival di tumba 2020 en grande, i na momento ku e proyektonan aki start, nos lo anunsiá esakinan tambe.

E aporte signifikante di medionan di prensa, ta inpagabel, i ya kaba, nan tambe a kunminsá, ku nan trayekto di informá i promové e di dos festival di kompetensia na mundu ku mas aña di eksistensia, ku ta nos festival di tumba.

Awe nos ke anunsiá ku tin un matutino,, ku tin un proyekto di promoshon di tumba, ku gradualmente lo intensivá.

Un proyekto ku lo start den full swing, ta Tumba Vibes, ku ta un koperashon entre Radio Krioyo i Amak, t ku ta tuma lugar tur djamars entre 7’or pa 10.or di anochi, ku transmishon bibu.

E aktividat aki lo tuma lugá na De Fles, i lo bai konta ku partisipashon, di difrente músiko, i gruponan di ikarnaval.

Durante e “Tumba Vibes”, diferente kantante lo interpretá tumbanan ganador di e último 49 añanan, i tambe tumbanan ku a bira hopi popular.

Un i tur ta keda invitá, pa asistí, djamars awor. 6 di ougùstes,  for di 7’or anochi, pa gosa di e ambiente di tumba.

Entrada lo  ta gratis.

Den di dos siman di e luna aki, direktiva lo reuní, ku su miembronan, pa trata e diferente puntunan relashoná, ku e gran selebrashon di e 50 edishon.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: