Renaissance Curaçao Resort & Casino a rekonosé empleadonan sobresaliente den di dos kuartal

Renaissance Curaçao Resort & Casino a rekonosé empleadonan sobresaliente den di dos kuartal

 

Willemstad –YÜLI– Djabièrnè último Renaissance Curaçao Resort & Casino a rekonosé empleadonan ku a sobresalí den e di dos kuartal di 2019. Un biaha mas a reuní tur kolega di tantu hotèl, Carnaval Casino i Starbucks den Atrium Ballroom pa selebrá.  Sr. Angelo Martes, direktor di Rekurso Humano ta enfatisá ku Renaissance Curaçao Resort & Casino, komo parti di e kadena Wind Creek Hosptality ta kere den importansia di ‘desaroyo i training’ i den esaki, fortifiká nan rekurso humano. “Ku un persona por hasi su trabou bon, ta importante. Pero sí e por hasi su trabou bon i ku pashon- e ta mas balioso pa e kompania, elevando outomátikamente e nivel di servisio.  Pashon i dedikashon ta sumamente importante den kualke sektor, prinsipalmente esun turístiko. Elevá eksperensia di un huéspet, no ta un trabou sin mas, e tin su detayenan. Pa logra esaki hopi atenshon ta wòrdu duná na desaroyo di liderazgo i training di tur miembro di ekipo”. Gerensia, staf i personal ta felisitá tur kolega sobresaliente  e kuartal aki.

 

Durante henter aña Renaissance Curaçao Resort & Casino ta rekonosé su empleadonan sobresaliente. Ta premia dedikashon, kumplimentu ku e balornan i propósito di e empresa, ekselensia i trabou den ekipo. Un pabien na e tim sobresaliente den e di dos kuartal di 2019 ku ta Sharité Engelhart komo Employee Front of the House, Jurlaeska Straker ku a bira Employee Heart of the House, Angelo Anita, Supervisor Front of the House. Tambe Nicolas Perez komo Supervisor Heart of the House i finalmente Nicole Steg, Manager Hotel.  Pa loke ta Carnaval Casino a rekonosé, Roberto Anthonij komo Employee Front of the House, Kevin Kwidama komo Employee Heart of the House pa di dos kuartal konsekutivo. Tambe Chermaline Mercera komo Supervisor Front of the House, Victor de la Cruz komo Supervisor Heart of the House i Delia Willems komo Manager sobresaliente pa Casino. Masha Pabien! Riba fotonan athunto esnan ku a sobresalí den e di dos kuartal di 2019. 

 

 

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: