Detenshon relashoná ku ladronisia.

KOMUNIKADO DI PRENSA
311 / 2019
8 ougùstùs 2019
Detenshon relashoná ku ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 8 di ougùstùs 2019, alrededor di 15.17 or, Sentral di Polis a risibí informashon di
un agente polisial na sivil atento, ku a señala dos (2) hòmber ku tabata aktua bastante
sospechoso riba e lugá di parker na e laman na Daaibooi. Mientrastantu e agente aki a sigui
vigilá e sospechosonan. Dado momento un di e sospechosonan a kue un tas for di un outo
ku tabata stashoná na e sitio menshoná i drenta den un outo blou i kore bai for di e sitio. E
agente na sivil a start ku un persiguishon tras di e outo ku e sospechosonan. Riba e kaminda
di Sint Willibrodus yegando na e vèlt shofür di e vehíkulo a bin aksidentá. E sospechosonan
a sali for di e outo i sigui ku nan huida na pia. Miéntras ku e agente a risibí asistensia di mas
kolega, el a logra di detené un di e sospechosonan. E otro sospechoso a logra di kore bai.
Polis ta en buska di e otro sospechoso aki. E sospechoso e hòmber M.L.V. nase na Kòrsou
di 19 aña di edat ku a keda detené, a present’é dilanti di un Fiskal Ouksiliar, ku a ordená su
enkarselamentu pendiente di mas investigashon. Tambe polis a konfiská un saku di plèstik
ku algun paki chikitu ku mariwana i artíkulo ku ta importante pa e investigashon.