NOS SELEKSHON NASHONAL DI DAMA KATEGORIA U-14 TA TÈRMINÁ NA TERSER PUESTO DI E CFU U-14 GIRLS CHALLENGE SERIES 2019!
NOS SELEKSHON NASHONAL DI DAMA KATEGORIA U-14 TA TÈRMINÁ NA TERSER PUESTO DI E CFU U-14 GIRLS CHALLENGE SERIES 2019!
Manera ya ta konosí nos selekshon nashonal kategoria U-14 tabata na Cayman Islands pa representá nos durante e CFU Girls U-14 Challenge Series 2019 ku a tuma lugá di 5 pa 9 di ougùstùs último.
Na tur ta tin 22 pais ku a kompetí den e torneo aki i nan a keda repartí den 5 pul ku lo kompetí ku otro na diferente pais. Nos a kai den pul 2 huntu ku St. Lucia, Barbados i Cayman Islands.
Resultado di nos weganan:
Fecha | Resultado | Tim di kas | Bishitante | Lugá | |
1 | 5 oug 19 | 1-1 | St. Lucia | Kòrsou | Truman Bodden Sport Complex
(Cayman Islands) |
2 | 7 oug 19 | 3-0 | Cayman Islands | Kòrsou | |
3 | 9 oug 19 | 1-0 | Kòrsou | Barbados |
Durante nos promé enkuentro nos a empatá ku St. Lucia ku e skor di 1-1. E gol di nos a keda anotá pa Raëngelly Keller. Lamentabelmente nos a kai vensí kontra e ekipo amfitrion, Cayman Island i a pèrdè ku skor di 3-0 durante nos segundo partido. Pero nos a sa di gana nos último enkuentro di e torneo aki ku skor di 1-0. Raëngelly Keller a anotá e gol ku a hiba nos na e viktoria. Ku e resultado aki nos a keda na terser puesto di e CFU Girls U-14 Challenge Series 2019.
Nos selekshon nashonal di dama kategoria U-14 ta konsistí di un grupo di 18 hungadó ku a wòrdu dirigí pa Sra. Bomberg ku ta e entrenadó di e selekshon aki i Sr. Reynold Mercera ku ta e asistente di e entrenadó.
Tambe a biaha huntu ku e selekshon Sra. Denice Berggraaf ku ta e masahista di e selekshon,
Sra. Christine Davelaar ku tabata enkargá ku e materialnan i e hefe di delegashon tabata
Sr. Stanley Coffy, miembro di direktiva di FFK.
Nos selekshon a konsistí di e siguiente hungadónan:
- Charnainelys Andrea (Vesta)
- Fadaily Paredes (Victory Boys)
- Caelyne Hodge (Excellence School)
- Kyra Martie (Excellence School)
- Lisa Pasman (Excellence School)
- Rishainy Kopra (Excellence School)
- Julainy Thielman (Wishi Marchena)
- Raëngelly Keller (Excellence School)
- Ronaitaly Concincion (Jong Holland)
- Shekinah Poulo (Victory Boys)
- Kaaïsha Constancia (Excellence School)
- Thaisa Brunken (Jong Holland)
- Kishana Mathilda (Jong Holland)
- Rushaviana Petronilia (Hubentut Fortuna)
- Roshanthely Coffi (Jong Holland)
- Rainisha Decaster (Jong Holland)
- Zoey Rapper (Subt)
- Zyanne Barriento Martinez (Excellence School)
FFK ta gradisí i felisitá nos selekshon di dama kategoria U-14 pa e bon trabou ku nan a sa di hasi na Cayman Islands na durante e CFU Girls U-14 Challenge Series 2019.
14 ougùstùs 2019