NOS SELEKSHON NASHONAL KATEGORIA U-15 TA BÈK NA KÒRSOU DESPUES DI A REPRESENTÁ NOS NA TAMPA DI 4 PA 11 DI OUGÙSTÙS DURANTE E CONCACAF BOYS U-15 CHAMPIONSHIP!

NOS SELEKSHON NASHONAL KATEGORIA U-15 TA BÈK NA KÒRSOU DESPUES DI A REPRESENTÁ NOS NA TAMPA DI 4 PA 11 DI OUGÙSTÙS DURANTE E CONCACAF BOYS U-15 CHAMPIONSHIP!

Nos selekshon nashonal kategoria U-15 ta bèk despues di a bai representá nos na e CONCACAF Boys U-15 Championship 2019 ku a tuma lugá di 4 pa 11 di ougùstùs na Tampa.

Na tur ta tin 42 pais ku a kompetí den e torneo aki. Nan a keda repartí den 3 divishon di kua nos a forma parti di e promé divishon den pul A huntu ku Israel, Panama i Mexico.

 

Resultado di nos weganan:

 

  Fecha Resultado Tim A Tim B Lugá
1 4 oug. 19 5-0 Israel Kòrsou  

IMG Academy

 

2 5 oug. 19 1-1 Kòrsou Panama
3 7 oug. 19 0-5 Kòrsou Mexico

 

 

Fecha Resultado Tim A Tim B Lugá
8 oug. 19 1-0 Guadeloupe Kòrsou IMG Academy

 

 

 

Lamentablemente nos a kai vensí ku skor di 5-0 kontra Israel den e promé partido pero a empatá na 1 gol durante nos segundo enkuentro kontra Panama. Melbourne Marques Ricardo tabata esun ku a anotá e gol aki. Den nos terser enkuentro tambe nos a kai vensí ku skor di 5-0 kontra e fuerte ekipo di Mexico i no a logra klasifiká pa e kuart final di e torneo aki. Despues di e buèlta preliminar ku tabata di 4 pa 7 di ougùstùs, e ekiponan ku kaba na promé ku segundo puesto a klasifiká pa e kuart final miéntras esnan ku a keda na di 3 ku 4 lugá mester a hunga pa determiná nan puesto riba e tabla di posishon. Asina nos ku a keda na di 4 lugá den nos pul, a enfrentá e ekipo di Guadeloupe i a pèrdè ku skor mínimo di 1-0. Den transkurso di dianan nos posishon lo bira konosí abase di nos prestashon den e torneo aki.

 

 

Nos selekshon nashonal kategoria U-15 a konsistí di un grupo di 18 hungadó, ku a wòrdu dirigí pa Sr. Germain Ignacius ku ta e entrenadó di e selekshon aki i Sr. Marco de Jong ku ta e asistente di e entrenadó.  Tambe a biaha huntu ku e selekshon, Sr. Roderick Rojer ku tabata esun enkargá ku e materialnan, Sr. Ramfis Filet ku ta e dòkter di nos selekshon i e hefe di delegashon tabata          Sr. Hubert Isenia, miembro di direktiva di FFK.

Nos selekshon ta konsistí di e siguiente hungadónan:

 

  1. Keanu Zichem (Excellence School)
  2. Eduardiño Perez Feliz (New Song)
  3. Leonardo De Lira (Atletiko Saliña)
  4. Jaden-Tyrell Rock (Subt)
  5. Rensver Juliana (Excellence School)
  6. Rayhim Inesia (Scherpenheuvel)
  7. Yesías Ignacius (Excellence School)
  8. Zaïn Virginia (Atletiko Saliña)
  9. Gurailly Hooi (Subt)
  10. Melbourne Marques Ricardo (Atletiko Saliña)
  11. Rayden Winklaar (Undeba)
  12. Jaeve Elshot (Excellence School)
  13. Dayron Boelijn (Scherpenheuvel)
  14. Keanu-Reeves Krips (New Song)
  15. Quihaindri Bibiana (Scherpenhuevel)
  16. Gior Selassa (Inter Willemstad)
  17. Mika Donker (Inter Willemstad)
  18. Shedrion Mathilda (Subt)

 

 

FFK ta gradisí nos selekshon nashonal kategoria U-15 pa e trabou ku nan a hasi aya na Tampa durante e CONCACAF Boys U-15 Championship 2019 i ta a enkurashá e hóbennan aki pa nan sigui perseverá p’asina otro biaha nos bai pa e título máksimo.

 

14 ougùstùs 2019

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: