SELIKOR I FKLB TA SIGUI REGALÁ KOMUNIDAT PINTURA DI MURAYA Otro proyekto di Stènki Busters Movement

SELIKOR I FKLB TA SIGUI REGALÁ KOMUNIDAT PINTURA DI MURAYA Otro proyekto di Stènki Busters Movement

Resientemente e artista Garrick Marchena a finalisá e di dos pintura di muraya despues ku na sèptèmber 2016, durante di e proyekto di Stènki Busters Hunt, a pinta e promé muraya situá den kurá di Shon Ki na Otrobanda. Bou di guia di Garrick Marchena algun hóben di bario a finalisá ku e di dos muraya ubiká den e bario di Boca Samí. E proyekto di pinta muraya akí ta forma parti di e proyekto di Stènki Busters Movement di Selikor NV i Fundashon Kòrsou Limpi Bunita.

E meta di e moveshon akí ta pa trese diferente proyekto pa komunidat ku e focus riba kambio di aktitut, riba e manera ku nos ta atendé ku shushi. Nos ta biba riba un isla chikí i ta importante, pa komo habitante, nos realisá ku si nos mes no mantené limpi ta difísil pa nos por biba den un medioambiente salú.

Ta e intenshon pa pinta un total di 8 muraya, huntu ku un tim di hóben, kada bes di un bario diferente. Lo skohe pa murayanan situá kaminda tin e problemátika di shushi ilegal. Kada muraya ta bira un proyekto riba su mes. Na inisio di e proyekto Garrick Marchena ta duna un tayer kòrtiku, ku ta enserá instrukshonnan básiko pa pinta i fèrf na e hóbennan ku a keda skohé, segun nan abilidat pa pinta.

E pinturanan akí mester yama atenshon di un i tur, en espesial di esnan ku ta hasi nan mes responsabel di tira shushi kaminda no mester ta. Ku e akshon akí pues Selikor ta sòru pa “beautify” un área ku ta konosí pa depositá shushi ilegal. Ku esaki nos ke krea un sentido di “community” den komunidat i tambe hasi e áreanan unu kaminda hende ta haña mas agradabel pa trafiká. Mas trafikashon di hende lo por yuda den evitá ku hende lo dúmp shushi ya ku ta sientífikamente probá ku mas bunita un área ta, ménos chèns tin ku un hende lo shusha esaki .

Pa aña 2017 Stènki Busters Movement lo sigui ta aktivo ku diferente proyekto ku finalmente mester kontribuí pa nos isla por ta riba un nivel di limpiesa ku nos tur por hala rosea den un medioambiente liber di shushedat. Tur e proyektonan akí tambe lo forma parti di e movementu ekstenso di Stènki Busters den kuadro di edukashon i formashon riba nos komportashon pa ku shushi.

Riba e foto algun ilustrashon di pintura na Kurá di Shon Ki i Boca Samí.
ready1

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: