Mas detenshon relashoná ku asesinato na Waaigat 

KUERPO POLISIAL KÒRSOU 

 

KOMUNIKADO DI PRENSA

374/2026

27 òktober 2026 

Mas detenshon relashoná ku asesinato na Waaigat 

Relashoná ku kaso di tiramentu ku morto ku a tuma lugá riba Plaza Mundu  Merced djárason dia 30 di sèptembèr 2026, (Komunikado di Prensa 335/2026), polis a hasi dos detenshon mas. 

Djaluna 26 di òktober 2026, alrededor di 20.00’or e tim investigativo a  detené e hòmber L.J.A.E. di 51 aña di edat nasé na Korsou.  

Su detenshon a tuma lugá den área di Punda. 

Durante di su detenshon a haña i konfiská un telefòn selular ku ta  importante pa e investigashon. 

Kontinuando ku e mesun investigashon aki, djamars dia 27 di òktober 2026  alrededor di 05.55’or, a detené e hòmber C.A.C.P. di 28 aña di edat nasé  na Republica Dominicana tambe. 

Despues di su detenshon na su kas den Bargestraat, a tene un entrada  hudisial. 

Durante di e entrada hudisial a haña i konfiská un kantidat di droga i tambe  telefòn selular. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.