Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata kontribushon di belasting.

Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata kontribushon di belasting.

 

Apresiabel señor Minister Kenneth Gijsbertha,

 

For di 10 òktober 2010, nos Areglo di Estado di Pais Kòrsou (nos lei máksimo) ta indiká normanan finansiero pa finansa públiko di Pais Kòrsou den entre otro e artíkulonan 84, 85 insiso 2 i 4. Normanan finansiero di Pais Kòrsou kual ta indiká i ta basa riba ku tur kontribuyentenan di belasting tin ku kontribuí na tempu segun leinan di Pais Kòrsou pa asina na tempu por finansiá e gastunan kolektivo presupuestá di Pais Kòrsou. Tur esaki ku e meta pa sigui traha riba bienestar i progreso di henter nos Pais Kòrsou. E normanan finansiero  di nos Pais Kòrsou i otro leinan di Pais Kòrsou ta indiká ku entradanan di Pais Kòrsou, pagá dor di kontribuyentenan di Pais Kòrsou ta dependé di entre otro: (1) deklarashon di belasting kompleto i korekto di kontribuyentenan, (2) henter e aparato fiskal ku tin ku aktua i pone “aanslag” òf “naheffingsaanslag” ora ku kontribuyentenan no hasi deklarashon di belasting na tempu òf ora kontribuyentenan hasi un deklarashon di belasting inkompleto i/òf inkorekto òf a base di un kontrol fiskal di e deklarashon di belasting di kontribuyentenan, (3) kontrolnan di henter e aparato fiskal riba deklarashon di belasting di kontribuyentenan, (4) kobransa na tempu dor di e aparato fiskal pa asina por garantisá ku kontribuyentenan di belasting ta kontribuí na tempu na kaha pa asina por finansiá gastunan kolektivo di nos Pais Kòrsou.

 

P’esei pa ami komo parlamentario ta masha importante den kuadro ariba menshoná i di mi trabou komo parlamentario, pa sa dikon durante ehekushon di e Presupuesto 2019 di Pais Kòrsou tin défisitnan di kontribushon di belasting over de e periodo 1 Yanüari 2019 te ku 31 Mei 2019.  A base di e Rapòrt di Maneho Finansiero di Mei 2019 paginá 6, mi ta aserka Minister di Finansa ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

  1. Inkomstenbelasting: 
  1. Kua ta e faktornan ku ta kousa e défisit presupuestario di kontribushon di inkomstenbelasting pa un suma total di  1.6 mion florin over di periodo 1 Yanüari 2019 te ku 31 mei 2019?
  2. Kua ta e akshonnan konkreto ku lo tuma den sobra di aña 2019 pa redusí e défisit presupuestario aki di kontribushon di inkomstenbelasting ?

 

  • Onroerendzaakbelastingbelasting:

 

    1. Kua ta e faktornan ku ta kousa e défisit presupuestario di kontribushon di onroerendzaakbelasting pa un suma total di  0.8 mion florin over di periodo 1 Yanüari 2019 te ku 31 mei 2019?
    2. Kua ta e akshonnan konkreto ku lo tuma den sobra di aña 2019 pa redusí e défisit presupuestario aki di kontribushon di onroerendzaakbelasting?
  1. Accijns op bier:

Kua ta e faktornan ku ta kousa ku tin un défisit presupuestario di kontribushon di accijns op bier pa un suma total di  0.4 mion florin over di periodo 1 Yanüari 2019 te ku 31 mei 2019?

  1. Afvalstoffenbelasting:
    1. Kua ta e faktornan ku ta kousa e défisit presupuestario di kontribushon di afvalstoffenbelasting pa un suma total di  3.3 mion florin over di periodo 1 Yanüari 2019 te ku 31 mei 2019?
    2. Kua ta e akshonnan konkreto ku lo tuma pa Pais Kòrsou risibí e entradanan di afvalstoffenbelasting riba un base mensual for di Aqualectra?
  2. Invoerrechten:
    1. Kua ta e faktornan ku ta kousa e défisit presupuestario di kontribushon di invoerrechten pa un suma total di  2.7 mion florin over di periodo 1 Yanüari 2019 te ku 31 mei 2019?
    2. Kua ta e akshonnan konkreto ku lo tuma den sobra di aña 2019 pa redusí e défisit presupuestario aki di kontribushon di invoerrechten?
  3. Zegelbelasting overige:
    1. Kua ta e faktornan ku ta kousa e défisit presupuestario di kontribushon di zegelbelasting overige pa un suma total di  0.7 mion florin over di periodo 1 Yanüari 2019 te ku 31 mei 2019?
    2. Kua ta e akshonnan konkreto ku lo tuma den sobra aña 2019 pa redusí e défisit presupuestario aki di kontribushon di zegelbelasting overige?

 

Por último tambe e petishon pa risibí di Minister di Finansa e Rapòrt di Maneho Finansiero Pais Kòrsou di e luna di Aprel 2019.

 

Atentamente,

 

Curtley Obispo

Parlamentario pa Kòrsou

PAR

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: