Charla : DIKON MI TA GORDO ? Djamars 13 di SEPTEMBER 2022. na Sentro di Bario Souax

Charla : DIKON MI TA GORDO ? Djamars 13 di SEPTEMBER 2022. na Sentro di Bario Souax

Fundashon Pro Souax, Sentro di Bario Souax i Sentro Médiko Souax ta anunsiá na habitante di Souax, Zegu, Gato i bisindario i tur otro interesado, kontinuashon djamars awor 13 di sèptèmber di e siklo di charla riba salú i kuido di salú. Dr. Octavio Oliva dòkter di famia pa bario di Souax ya pa 13 aña ta trata tur di dos djamars di luna na Sentro di bario Souax un tópiko di salú ku e meta pa konsientisá habitantenan pa kuida nan salú aun mas mihó.
Den e próksimo lunanan dr. Oliva lo trata diferente tema relashoná ku e tópiko di obesidat òf gordura. Entre otro dr Oliva lo duna informashon riba e tópikonan: – Obesidat ta malesa?  – Kon evita pa bira gordo. – Mi ta gordo pero no por baha peso. – E bèrdat di dieta. – Ehersisio pa baha peso. – Dòkter mi ta gordo i ke operá.
Bo ta gordo i bo ke komprondé dikon esei ta e kaso? Bo no ta gordo pero ke sa kon kuida pa mantené bo peso abou? Bo ke komprondé pa abo komo famia/amigu por sostené e persona ku ke baha di peso? 
Bin skucha djamars awor 13 di sèptèmber e interesante charla “DIKON MI TA GORDO?” na enkargo di dr Octavio Oliva.
E charla ta tuma lugá na Sentro di Bario Souax i ta kuminsá shet’or di anochi i lo dura te ku mitar di nuebe. Entrada ta grátis. Durante e charla lo tin amplio oportunidat pa hasi pregunta.     

                           Charla riba tópiko di salú públiko

                                 Tópiko   : “DIKON MI TA GORDO?”

                                 Oradó   : Dr. Oliva

                                  Dia       : Djamars 13 di SÈPTÈMBER 2022

                                  Ora       : Shet’or pa mitar di nuebe di anochi  (19.00 – 20.30)                               

                                 Lugá     : Sentro di bario Souax

                                 Entrada : GRÁTIS

                       

                            

This site uses Akismet to reduce spam. Learn how your comment data is processed.

%d bloggers like this: