Proyekto Ban Vèlt Bèk lo start bèk 24 di ougùstùs ‘Treinen lo tuma luga na Stadion Odulio Willems’

Proyekto Ban Vèlt Bèk lo start bèk 24 di ougùstùs

‘Treinen lo tuma luga na Stadion Odulio Willems’

 

Suffisant- E proyekto Ban Vèlt Bèk ta bai start próksimo lunanan na parti pariba i lo tuma luga dia 24 di ougùstùs na Stadion Odulio Willems na Suffisant. Despues di a kuminsa na yanüari 2019 ku e proyekto na Banda Bou i a bishita barionan Barber, Soto, Lagun, Westpunt, Tera Korá i lastu na Willibrordus, coachnan Verda Betrian i Danaë Daal lo start bèk djasabra dia 24 di ougùstùs di 8:00-9:30 am na vèlt di Suffisant na Stadion Odulio Willems. Manera e promé edishonnan e lo ta grátis pa tur mucha muhé di 6 pa 12 aña. Tin 25 luga pa e hobensitanan por registrá. Tambe coachnan ta sòru pa awa i fruta pa e hobensitanan durante treinen. Por jama na 5600709 of email bvbkorsou@gmail.com pa registrá òf mas informashon.