Reunion ku Unique Learning Center

Reunion ku Unique Learning Center

Geplaatst op 14 Ougùstùs 2019 dor di Ministerio di Enseñansa, Siensia, Kultura & Deporte

Willemstad- Minister di Enseñansa, Siensia, Kultura & Deporte sra. Marilyn Alcalá-Wallé riba djaluna dia 12 ougústus 2019 tabatin un enkuentro ku mayornan di Unique Learning Center (ULC) den kua a duna informashon di e trajektonan ku gobièrnu a kana i ta kanando pa lokual ta trata e “cluster 4” den enseñansa speshal ( ku ta konta pa e alumnonan i diferente otro mas).

Ademas Minister i su konseheronan a skucha tur e sugerensia i preokupashon di mayornan. Na final di e enkuentro a yega na e palabrashon ku Minister ta buska un solushon interino pa mas tardá djarason 14 di ougústus próksimo, teniendo kuenta ku tur e diferente puntonan di preokupashon ku mayornan a trese dilanti.

Ta importante den e kaso aki pa suprayá ku di parti di otro direktivanan di skol tambe a bini e petishon pa gobièrnu sòru pa un “cluster 4” skol. Mientras ta trahando riba e trayekto duradero pa institushonalisá un “cluster 4” skol, ta buska un solushon temporal pa ULC.

Riba e fotonan, momento ku Minister a reuni ku mayornan di ULC.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: