Prolongashon di fecha pa entrega Konkurso: ‘Bibando ku Libertat”

Prolongashon di fecha pa entrega Konkurso: ‘Bibando ku Libertat”

Geplaatst op 14 Ougùstùs 2019 dor di Ministerio di Enseñansa, Siensia, Kultura & Deporte

Último fecha di entrega pa partisipá na konkurso di skirbi pa konmemorá  Dia Internashonal pa rekordá ruta transatlántiko di sklabitut i su abolishon prolongá. Tumando na kuenta diferente petishon ku a drenta di personanan ku tabata di vakashon,  Komishon Nashonal di UNESCO Curaçao, Fundashon NAAM, Plataforma di Sklabitut i Herensia di Sklabitut, Fundashon Biblioteka Nashonal Kòrsou, Fundashon Kas di Kultura huntu ku Minister di Enseñansa, Siensia, Kultura i Deporte ku koperashon di Sektor di Kultura i Edukashon,  a tuma e desishon pa prolongá e último fecha pa entregá teksto pa e konkurso te ku 17 di ougùstùs próksimo.  E konkurso Bibando ku libertat ta basá riba e fecha 23 di ougùstùs ku a keda dekretá pa UNESCO komo dia internashonal pa rekordá ruta transatlántiko di sklabitut i su abolishon.

Fecha di entrega prolongá te ku 17 di ougùstùs via email: bibandokulibertat@gmail.com.

Partisipantenan lo mester reflehá riba e lidernan di e rebelionnan ku Kòrsou a konosé. E balornan ku nan a karga durante e lucha òf kon e lidernan lo a eksperensia e Kòrsou di awendia. Kiko ta nifiká ta liber? Nos ta Igual? Kiko lo tabata Tula, Bastian Karpata òf Sablika su opinion kon nos ta atendé awendia ku e balornan libertat, igualdat i fraternidat? Nan lo ta orguyoso di nos?

Pa Reglanan di partisipashon Bibando ku Libertat i mas informashon klik aki: Komunikado kompletu.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: