Deklarashon di Minister Alcala-Walle ku Kas di Kultura ta Fayit

Na: Presidente di Parlamento

Señor W. Millerson

Wilhelminaplein # 4

PRESENTE

 

Tópiko: Petishon pa un reunion di komishon sentral konforme artíkulo 33 di Reglamentu di Orden (RvO) ku komo punto di agènda, “Deklarashon di Minister Alcala-Walle ku Kas di Kultura ta Fayit”

 

Kòrsou, 20 di ougùstùs 2019

 

Señor Presidente,

 

Frakshon di Movementu Futuro Kòrsou (MFK), pa medio di esaki kier pidi bo pa yama un reunion di komishon sentral ku e tópiko ariba menshoná. Den un entrevista na un emisora lokal nos por a tende Minister enkargá ku entre otro kultura deklará ku Kas di Kultura ta fayit. 

 

Na promé lugá nos ta lamentá ku Parlamento mester tuma nota di algu asina importante pa medio di prensa. Kas di kultura ta un instituto hopi importante den nos komunidat i no por ta asina ku e ta pasando den un situashon finansiero kaótiko i no ta tuma akshonnan pa remediá esaki i informá komunidat.

 

Ta nos deber komo miembronan di Parlamento pa yuda krea un fundeshi sólido pa nos futuro generashon i nos no mester lubidá ku kultura ta un di e vehíkulonan mas importante pa desaroyá un nashon eksitoso.

 

Pa e okashon aki nos kier pidi Presidente di Parlamento pa invitá Minister di Enseñansa, Kultura i Deporte señora Merilyn Alcala-Walle i tambe representantenan di Kas di Kultura i e kompania di akountent ku ta kontrolá e sifranan di Kas di Kultura. Parlamento kier risibí promé ku e reunion sifranan anual oudita di añanan 2015 te ku 2018 di Kas di Kultura.

 

Na nòmber di frakshon di MFK,

 

Gimar Pisas Gilbert Doran Jacinta Constansia Juniel Carolina

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: