Plantashon ilegal den Dam Pretu

Djarason 22 di ougustus ultimo, un tim multidisiplinario a bai kontrolá na Dam Pretu. Motibu di e kòntròl aki ta varios plantashon ilegal den e dam aki. Ta resultá ku personanan ta bini Kòrsou for di Haiti i nan ta hasi uso ilegal di terenonan di gobièrnu. Tin indikashon varios kaminda riba e area ku ta mustra bon kla ku no ta pèrmití pa hasi uso di e tereno. E plantashonnan ta alrededor di e bòrchinan aki ku no ta keda respetá. Konsekuensia di plantashonnan den e dam aki ta ku na momentu di yobida fuerte, e awa no por sigui su ruta i bai den e dam, pues e awa ta okashoná molèster na kasnan situá den area di e dam.