Ministerio di Finansa ta hasi todo lo posibel pa reanudá servisio di Ontvanger i di Inspekshon di Impuesto

Willemstad – Ministerio di Finansa ta hasiendo máksimo esfuerso pa reanudá servisio di Ontvanger i di Inspekshon di Impuesto. Pero pa e momentu aki tin diferente  aspekto ku tin ku tene kuenta ku ne, ku ta trese poko retraso den intento pa kumisa traha bèk. E aspektonan aki ta e investigashon ku ahinda ta tumando lugá den e edifisio, i na momento ku e edifisio bira asesibel mester garantisá salú i seguridat di personal. Mientras ku outoridat ta hasiendo inbestigashon lo no duna permit pa drenta e edifisio.

 

Klientenan ku tin ku entregá dokumento manera verzoekschrift òf bezwaarschrift por entregá esaki por lo pronto na ofisina di Ministerio di Finansa na Pietermaai 17. 

 

SBAB lo no ta habrí djaluna manera anunsiá anteriormente, pero djamars si SBAB su portanan ta habri pa duna servisio na su klientenan. 

 

Ministerio di Finansa lo keda mantené tur hende informá ki dia i unda lo reanudá servisio di Ontvanger i di Inspekshon di Impuesto pa públiko.

 

Ministerio di Finansa ta hasi todo lo posibel pa reanudá servisio di Ontvanger i di Inspekshon di Impuesto

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: