Deklarashon di Refineria di Kòrsou (RdK) i konseheronan di Minister Eugene Rhuggenaath relashoná ku situashon finansiero i tékniko di nos refineria

Deklarashon di Refineria di Kòrsou (RdK) i konseheronan di Minister Eugene Rhuggenaath relashoná ku situashon finansiero i tékniko di nos refineria

 

Na: Presidente di Parlamento

Señor W. Millerson

Wilhelminaplein # 4

PRESENTE

 

Tópiko: Petishon pa un reunion di komishon sentral konforme artíkulo 33 di Reglamentu di Orden (RvO) ku komo punto di agènda, “Deklarashon di Refineria di Kòrsou (RdK) i konseheronan di Minister Eugene Rhuggenaath relashoná ku situashon finansiero i tékniko di nos refineria”

 

Kòrsou, 21 di ougùstùs 2019

 

Señor Presidente,

 

Frakshon di Movementu Futuro Kòrsou (MFK), pa medio di esaki kier pidi bo pa yama un reunion di komishon sentral ku e tópiko ariba menshoná. 

 

Frakshon di MFK a keda sorprendé pa e deklarashon hasi pa direktor interino di RdK, pero tambe di e kabesante di “Rampen Bureau” relashoná ku e situashon finansiero di Refineria Isla. Kaminda a indiká ku e empresa ta na punto di bai bankaroto. E deklarashonnan di e representante di “Rampen Bureau” ku e instalashonnan di Refineria Isla ta forma un peliger tantu pa e trahadónan komo komunidat a lanta hopi preokupashon serka nos.

 

Frakshon di MFK ta kere ku ta korekto pa Parlamento skucha gerensia di Refineria Isla su opinion riba e deklarashonnan ku a bin dilanti durante di e reunion di dia 19 di ougùstùs último den sala di Parlamento, pa asina Parlamento praktika “hoor en wederhoor”.

 

P’esei pa e okashon aki nos kier pidi Presidente di Parlamento pa invitá gerensia di Refineria Isla pa ta presente na e reunion aki pa duna Parlamento e informashonnan nesesario.

 

Na nòmber di frakshon di MFK,

 

____________ ____________ _____________ ___________

Gimar Pisas   Gilbert Doran   Jacinta Constansia   Juniël Carolina