Parlamentario Curtley Obispo: Ta kasi 28 aña pasa ku a fiha pa medio di un lei (“landsverordening”), e último tarifanan na vigor i bálido te awe di akseins pa loke ta trata serbes, sigaria i alkohòl

Parlamentario Curtley Obispo: Ta kasi 28 aña pasa ku a fiha pa medio di un lei (“landsverordening”), e último tarifanan na vigor i bálido te awe di akseins pa loke ta trata serbes, sigaria i alkohòl

Ta kasi 28 aña pasa ku a fiha pa medio di un lei (“landsverordening”), e último tarifanan na vigor i bálido te awe di akseins pa loke ta trata serbes, sigaria i alkohòl

Parlamentario Curtley Obispo den e reunion di Parlamento di Kòrsou, di dia 26 ougùstùs 2019 a mustra bon kla i raspa a base di dokumentashon, kua ta e tarifanan na vigor i bálido te awe pa loke ta akseins riba serbes, sigaria i alkohòl. Ta kasi 28 aña pasa via di lei (“landsverordening”), Parlamento di Antia a aprobá e último tarifanan di akseins di serbes, sigaria i alkohòl, kual 26 ougùstùs 2019 ta na vigor i tambe bálido. Pa proba esaki  parlamentario Curtley Obispo a referí na e Buki di Legislashon di Pais Kòrsou (“Klapper Wetgeving Curaçao) pa ku kapítulonan: number IV.27 Accijns op gedestilleerd, IV.29 Accijns op bier i IV.30a Accijns op sigaretten. Tambe e la referí na e publikashon di e lei segun PB (“Publicatieblad) 1991 no. 99 di dia 15 òktober 1991.  

Durante e kasi 28 añanan segun e Buki di Legislashon di Pais Kòrsou IV.30a Accijns  op Sigaretten, tabata tin 2 kambio temporal den ehekushon di akseins riba e Lei di Sigaria pa medio di dekretonan nashonal (“landsbesluiten”) PB 2007 no. 111 i PB 2019 no. 15. E buki di  Legislashon di Pais Kòrsou ta indiká tambe bon kla ku e 2 dekretonan nashonal ariba menshoná ta nulifiká (“ingetrokken”). Anotashon lógiko den e Buki di Legislashon di Pais Kòrsou a base di loke artíkulo 2a di e Lei di Sigaria ta indiká. 

Parlamentario Curtley Obispo a mustra tambe riba e hecho ku ta masha importante pa komo parlamentario bo lesa bo dokumentonan, ta presente, skucha i ta bon prepará pa reunion di parlamento. Den e kaso aki, di e 3 leinan di Akseins ta importante pa komo preparashon di reunion di parlamento: (1)  konsulta i lesa e Buki di Legislashon di Pais Kòrsou (Klapper di Wetgeving) su sekshon nan di PB’s pa loke ta akseins di serbes, sigaria i alkohòl i (2) lesa e tekstonan konsolidá di un bon Buki di Legislashon di Belasting (“Belastingwetgeving) 2019 kual ta optenibel serka kantornan di belasting ku ta publiká esaki nan tur aña di nobo.     

A base di e historia di Lei di Sigaria segun kapítulo IV.30a Accijns van sigaretten di e Buki di Legislashon di Pais Kòrsou i tambe e tekstonan konsolidá vigente di artíkulo 2a di e Lei di  Sigaria por konkluí ku Parlamento di Kòrsou por a sigui trata e kambionan di lei di akseins den sala i den komishon sentral di Parlamento di Kòrsou riba 26 di ougùstùs 2019.