Speech Minister di Desaroyo Ekonómiko Giselle Mc William.
Speech Minister di Desaroyo Ekonómiko Giselle Mc William.
Awe 27 di ougustus 2019, mi a asumi e reto komo Minister di Desaroyo Ekonòmiko. Un reto grandi den un tempu sosial i ekonomikamente disfisil.
No obstante esaki, mi a asepta e petishon di mi Partido MAN pa asumí e responsabilidat aki pa mi Partido i pero prinsipalmente pa mi Pais, pasombra mi ta kere den e potensial di Kòrsou i nos hendenan.
Komo Mandatario, mi maneho lo ta basá riba;
1.bon gobernashon
2.transparensia
3.inklushon ,ku semper mi ta para pe.
Bisando esaki lo mi ta habrí pa tur suherensia di abo komo suidano,sea ku bo ta un eksperto den ramo di ekonomia òf simplemente un suidano ku di kurason ke duna su aporte mará na mi vishon pa por jega na un desaroyo ekonómiko duradero pa tur suidano i nos futuro generashon. Bo ta bon biní.
Mi vishon lo ta transparente ,i ku tin komo meta:
- Sigui Fasilitá i stimulá hasimenti negoshi pa empresa chikí ,mediano i grandi, ku énfasis riba mikro kredito.
Esaki por sosodé ku pasonan grandi òf pasonan ku ta parse chiki pero ku tin un impakto grandi, i ku tin komo meta krea trabou pa nos hendenan.
2.Sigui enfoká riba Turismo komo un di nos pilarnan prinsipal dor di krea oportunidat pa
bini ku mas hotèl i tambe upgrade esnan ku tei kaba pa por krea mas kupo di trabou.
- Katalisá Desaroyo den nos sentro di suidat pa mas trabou.
- Mas konekshon aéreo na bienestar di nos turismo i komersio ku outomatikamente ta krea mas kupo di trabou.
- Enfoká riba energia duradero pa mas trabou.
- Sostené futuro Partner di nos Refineria pa salbaguardiá kuponan di trabou.
- Desaroyá areanan den nos haf pa mas trabou.
- Sigui stimulá eksportashon di produktonan i servisionan pa asina generá mas entrada pa Kòrsou i mas trabou.
- Sigui duna sostén na e sektor finansiero pa krea mas entrada pa Kòrsou i asina krea mas trabou.
- Sigui promové Smart Nation pa mas i otro tipo di trabou.
12.Esakinan tur sin kita foi bista e mira riba Desaroyonan regional i Europeo pa krea mas trabou.
13.Ku e vishon transparente aki basá riba inklushon i ku dos pia riba tera mi ta pidi kada unu di boso sin importá nos posibel diferensianan di opinion, pa dunami un man pa nos por realisá e Kòrsou ku nos ta deseá pa nos, i nos futuro generashon.
14.Pa konkluí,mi sa ku e pregunta ló surgi;
pa kuantu tempu ami lo okupá e puesto aki.
Mi ta kontesta riba esaki tambe lo ta di un manera simpel i transparente:
Te kaminda ku Partido MAN i Kòrsou mester di mi aporte, pasombra ami a skohe pa ta un sirbidó di Pueblo.
Di antemaono, danki pa konfia den mi. pasombra KONFIANSA ta e promé stap pa nos por katalisá nos ekonomia.
