NOS SELEKSHON NASHONAL LO ENFRENTÁ HAITI DIA 7 DI SÈPTÈMBER DEN SDK, 6’OR DI ATARDI! YEGADA DI NOS HUNGADÓNAN!
NOS SELEKSHON NASHONAL LO ENFRENTÁ HAITI DIA 7 DI SÈPTÈMBER
DEN SDK, 6’OR DI ATARDI!
YEGADA DI NOS HUNGADÓNAN!
Preparashonnan ta kontinuá pa loke ta trata nos promé kompromiso durante e di 2 buèlta di Nations League ku lo ta kontra Haiti dia 7 di sèptèmber próksimo pa 6’or di atardi den Stadion Ergilio Hato.
Djaluna 2 di september 14:30 pm gran parti di nos hungadónan residensiá den eksterior lo pisa suela di Kòrsou pa asina djòin nos hugandónan lokal pa kontinuá ku e training i preparashonnan pa nos partido kontra Haiti di djasabra 7 di sèptèmber próksimo.
Despues ku nos entrenadó Sr. Remko Bicentini huntu ku su staf a yega na e lista definitivo di e 23 hungadónan ku lo partisipá na e partidonan aki, lamentabelmente e hungadó Gervane Kastaneer a keda leshoná i lo no tei pa e partido aki. Na su lugá Kenji Goré ta djòin nos selekshon.
Mirando ku tin 2 wega ku lo tuma lugá na Kòrsou, e biaha aki tambe nos lo bende karchi pa un wega òf e pakete pa ámbos partido. Karchinan ya ta optenibel na FFK bou di ora di ofisina, Beep Beep, Botika Mampuritu, pòmp di gasolin Sta Maria, tur sentro di pago Tu y Yo i na 4th of July snèk na Barber.
E preisnan pa e diferente paketenan pa sekshonnan ta lo siguiente:
- VIP ta kosta Fl.250,- pa ámbos partido i Fl.150,- pa un partido (inkluso konsumo);
- Bou di tribunanan kubrí ta Fl.50,- pa ámbos partido i Fl.30,- pa un partido
- Tribunanan no kubrí ta Fl.30,- pa ámbos partido i Fl.20,- pa un partido
- Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general
Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó, pa sigui apoyá i sostené nan!
Nos ta topa 7 di sèptèmber, 6’or di atardi den Stadion Ergilio Hato!
29 ougùstùs 2019
