Conseho di Minister di Reino riba e tema financiero ARUBA Y HULANDA TA DEN DIALOGO, ARUBA A HAYA MAS TEMPO

Conseho di Minister di Reino riba e tema financiero

 

ARUBA Y HULANDA TA DEN DIALOGO, ARUBA A HAYA MAS TEMPO

 

Conseho di Minister di Reino awe a trata riba agenda e cambionan di e ley di Laft na Aruba. Di parti di Aruba, Minister Plenipotenciario Sr. Guillfred Besaril a mustra riba locual cu Gobierno di Aruba ta bezig cu ne y cu mester di mas tempo pa traha riba un forma alternativo di supervision financiero. 

 

Gobiernonan di Aruba y Hulanda a cera un protocol na november y Aruba ta manteniendo su mes na e protocol ey. Recientemente e relato financiero di prome mita di aña 2019, a comproba esaki tambe. Parlamento a debati riba e situacion financiero extensamente. Aruba ta riba e bon caminda. 

 

IMF algun luna atras a duna Aruba un evaluacion positivo a base di e maneho financiero y economico di Gabinete Wever-Croes. 

Standard & Poors algun siman pasa tambe a duna un evaluacion positivo basa riba miras di prosperidad creciente “growing prosperity”. Tur esaki ta resultado di trabou duro di e Gobierno actual pa pone Aruba bek riba e rumbo financiero corecto. 

 

Supervision financiero ta parti di e maneho. Gobierno ta trahando riba un alternativa den cual por tene cuenta cu e preocupacionnan di Parlamento y di Conseho di Minister di Reino, y pa esaki mester di tempo. Den e siguiente reunion di Conseho di Minister di Reino dia 20 september e punto aki ta riba agenda atrobe, y pa e fecha aki Minister Plenipotenciario di Aruba na Hulanda lo presenta e alternativa cu Aruba ta propone.

This site uses Akismet to reduce spam. Learn how your comment data is processed.

error: Content is protected !!
%d bloggers like this: